Manipur Violence: منی پور میں پھر سے بھڑک اٹھا تشدد، کوکی عسکریت پسندوں کا سی آر پی ایف ٹیم پر حملہ، 2 فوجی ہلاک

Manipur Violence: منی پور کے نارن سینا علاقے میں آدھی رات اور 2:15 کے درمیان کوکی عسکریت پسندوں کے حملے میں سینٹرل ریزرو پولیس فورس (سی آر پی ایف) کے دو سپاہی اپنی جان سے ہاتھ دھو بیٹھے۔ ان فوجیوں کا تعلق ریاست کے بشنو پور ضلع کے نارن سینا علاقے میں تعینات سی آر پی ایف کی 128ویں بٹالین سے تھا۔ منی پور پولیس نے اس کی جانکاری دی۔

وشنو پور علاقہ منی پور میں آتا ہے اور یہاں لوک سبھا انتخابات کے پہلے مرحلے میں یعنی 19 اپریل کو ووٹنگ ہوئی تھی۔ اس دوران علاقے میں تشدد بھی ہوا۔ اس کے ساتھ ہی 26 اپریل کو تشدد سے متاثرہ کچھ علاقوں میں ووٹنگ بھی ہوئی۔ اس سے قبل ریاست میں کوکی تنظیموں نے لوک سبھا انتخابات کا بائیکاٹ کیا تھا اور انصاف نہیں تو ووٹ نہیں کا نعرہ بھی لگایا تھا۔

تاہم، چیف الیکٹورل آفیسر پردیپ کمار جھا نے جمعہ (26 اپریل) کو کہا تھا کہ آخری رپورٹ موصول ہونے تک 75 فیصد ووٹنگ ہوچکی ہے اور تشدد کا کوئی بڑا واقعہ رپورٹ نہیں ہوا ہے۔ انہوں نے بتایا کہ صرف ایک واقعہ سامنے آیا ہے جس میں ای وی ایم میں توڑ پھوڑ کی گئی۔

یہ بھی پڑھیں- Taj Mahal News: سپریم کورٹ نے اے ایس آئی کو تاج محل کے تحفظ کیلئے ویژن دستاویز پر جواب داخل کرنے کا دیا حکم

منی پور میں ایک سال سے جاری ہے تشدد

منی پور میں میتئی اور کوکی برادریوں کے درمیان پچھلے سال شروع ہونے والا تشدد ختم ہونے کے کوئی آثار نظر نہیں آ رہا ہے۔ اس تشدد میں اب تک 200 سے زائد افراد ہلاک اور ہزاروں زخمی ہو چکے ہیں۔ اس کے ساتھ کئی لوگ بے گھر بھی ہو گئے ہیں۔ گزشتہ سال مئی کے مہینے میں تشدد شروع ہونے کے بعد سے مسلسل فائرنگ اور تشدد کے واقعات منظر عام پر آ رہے ہیں۔

-بھارت ایکسپریس