Lok Sabha Election 2024: کیا لوک سبھا انتخابات تک قائم نہیں رہ پائے گا اپوزیشن اتحاد’انڈیا‘ ؟ ممتا بنرجی نے سیٹ شیئرنگ کے متعلق کہی یہ بڑی بات

Lok Sabha Elections: 2024 کے لوک سبھا انتخابات سے پہلے، اپوزیشن اتحاد انڈیا کو مسلسل دھچکے کا سامنا ہے۔ ایک طرف سیٹ شیئرنگ پر بات نہیں ہو رہی ہے تو دوسری طرف سی ایم نتیش کمار کی پارٹی کا اگلا قدم کیا ہو گا اس حوالے سے مختلف خبریں آ رہی ہیں۔ ابھی دہلی میں جے ڈی یو کی قومی ایگزیکٹو میٹنگ ہو رہی ہے۔ اس میٹنگ میں جے ڈی یو صدر نے اپنے عہدے سے استعفیٰ دے دیا ہے۔ دوسری جانب اب مغربی بنگال کی سی ایم ممتا بنرجی نے بڑا بیان دیا ہے۔ اس کے پیش نظر مانا جا رہا ہے کہ مغربی بنگال میں کانگریس کے لیے راستہ مشکل ہونے والا ہے۔ تاہم ممتا بنرجی نے یہ بھی کہا کہ انڈیا اتحاد پورے ملک میں ہوگا۔ لیکن یہ نہیں بتایا گیا کہ یہ کیسے ممکن ہوگا۔ آپ کو بتاتے چلیں کہ مغربی بنگال، یوپی اور پنجاب میں کانگریس کے لیے راستہ پہلے ہی مشکل ہے۔

ممتا بنرجی نے کانگریس کو دیا جھٹکا

مغربی بنگال کی وزیر اعلیٰ ممتا بنرجی نے کہا، “انڈیا اتحاد پورے ملک میں ہوگا۔ ترنمول کانگریس بنگال میں لڑے گی اور بی جے پی کو شکست دے گی۔ یاد رکھیں، بنگال میں صرف ترنمول کانگریس ہی بی جے پی کو سبق سکھا سکتی ہے، کوئی دوسری پارٹی نہیں۔ ممتا بنرجی نے اتحاد کو ایک دھچکا دیا اور اعلان کیا کہ ٹی ایم سی 2024 میں بنگال میں کسی بھی پارٹی کے ساتھ کوئی انتخابی معاہدہ نہیں کرے گی۔

یہ بھی پڑھیں: للن سنگھ نے دیا قومی صدر کے عہدے سے استعفیٰ، نتیش کمار سنبھالیں گے کمان

کانگریس اور لیفٹ کے ساتھ کوئی سمجھوتہ نہیں

انہوں نے مزید کہا کہ انڈیا الائنس ملک بھر میں بی جے پی کے خلاف مل کر الیکشن لڑے گا، لیکن بنگال میں ٹی ایم سی بی جے پی کے خلاف اکیلے لڑے گی۔ وہ کانگریس اور بائیں بازو کی جماعتوں کے ساتھ کوئی سمجھوتہ نہیں کریں گی۔ ممتا بنرجی کے اس رویے کی وجہ سے انڈیا بلاک میں تصادم ضرور ہے۔ دوسری طرف، شیو سینا (ادھو دھڑے) نے مہاراشٹر میں سیٹوں کی تقسیم کو لے کر پہلی چال چل دی ہے۔

بھارت ایکسپریس۔