Mamata Banerjee challenges Suvendu Adhikari victory in Bhabanipur: بھوانی پور میں شوبھیندو ادھیکاری کی جیت کو ممتا بنرجی کا چیلنج، کلکتہ ہائی کورٹ میں داخل کی عرضی

حال ہی میں ہوئے مغربی بنگال اسمبلی الیکشن میں بھوانی پورسیٹ سے ممتا بنرجی اورشوبھیندوادھیکاری کے درمیان سخت ٹکرتھی۔ اس سیٹ پرمغربی بنگال کے وزیراعلیٰ شوبھیندو ادھیکاری نے جیت حاصل کی ہے۔ وہ ریاست کی بی جے پی حکومت کے پہلے وزیراعلیٰ بھی ہیں۔ اس سیٹ پرممتا بنرجی کوہارکا سامنا کرنا پڑا تھا۔ کانٹے کی ٹکراس سیٹ پردیکھنے کوملی۔ شوبھیندوادھیکاری نے اس سیٹ پرممتا بنرجی کوتقریباً 15 ہزارووٹوں سے شکست دی تھی۔ جہاں ایک طرف شوبھیندوادھیکاری کو73917  ووٹ ملے تووہیں ممتا بنرجی کو58812 ووٹ ملے تھے۔

مشکل وقت سے گزر رہی ہے ٹی ایم سی

ٹی ایم سی کے 20 اراکین پارلیمنٹ نے حال ہی میں نیشنل سٹیزنس پارٹی (این سی پی آئی) میں انضمام کا اعلان کیا ہے۔ اس سے ممتا بنرجی کوبڑا جھٹکا لگا ہے۔ باغی 20 اراکین پارلیمنٹ نے اتوار کے روز اس پارٹی میں انضمام کا اعلان کردیا تھا۔ سبھی نے لوک سبھا اسپیکر اوم برلا سے اتوار کے روز ملاقات کرتے ہوئے میمورنڈم بھی سونپا۔ اس پرباغی کاکولی گھوش نے کہا تھا کہ اسپیکر سے ملے اس باغی گروپ میں 20 اراکین پارلیمنٹ ہیں۔ ان کی تعداد پارٹی کی کل دوتہائی سے زیادہ ہے۔ حال ہی میں اختتام پذیر مغربی بنگال اسمبلی الیکشن میں ٹی ایم سی کو زبردست ہارکا سامنا کرنا پڑا ہے۔ اس کے بعد سے مسلسل ٹی ایم سی کے اندرزبردست انتشارنظرآرہا ہے۔ یہاں کئی اراکین پارلیمنٹ نے پارٹی سے بغاوت کرتے ہوئے دیگرپارٹی میں انضمام کا فیصلہ کیا ہے۔