Iran honours victims of Minab: میناب حملے میں جاں بحق طلبہ کو ایران کا خراج عقیدت، فیفا عالمی کپ میں ’میناب 168‘ کے نام سے میدان میں اتری ٹیم

تہران: ایران نے فروری 2026 میں میناب کے ایک پرائمری اسکول پر ہونے والے میزائل حملے میں جاں بحق ہونے والے طلبہ کی یاد میں خصوصی خراج عقیدت پیش کیا۔ فیفا ورلڈ کپ 2026 مہم کے دوران ایرانی فٹبال ٹیم ’’میناب 168‘‘ کے نام سے مقابلوں میں حصہ لے رہی ہے اور کھلاڑی اپنی یونیفارم پر سنہری بیجز لگا کر متاثرین کو خراج تحسین پیش کر رہے ہیں۔

ایران کی وزارت خارجہ کا جذباتی پیغام

ایران کی وزارت خارجہ کے ترجمان اسماعیل بقائی نے کہا کہ ایران کی استقامت اور حوصلہ ان لوگوں کی یادوں اور قربانیوں پر قائم ہے جو ملک کے لیے جان قربان کر چکے ہیں۔ انہوں نے سوشل میڈیا پلیٹ فارم ایکس پر ایک لیگو طرز کی ویڈیو بھی شیئر کی، جس میں کہا گیا کہ زخموں کے باوجود ایران آج بھی مضبوطی سے کھڑا ہے اور اس کے بچے عزم و حوصلے کے ساتھ عالمی سطح پر مقابلے کے لیے تیار ہیں۔ پیغام میں کہا گیا کہ پوری قوم کی دعائیں قومی ٹیم کے ساتھ ہیں اور نوجوان کھلاڑیوں کے لیے کامیابی اور عزت کی خواہش کی جا رہی ہے۔

آن نه می بود که دور از نظرت می‌خوردم
خون دل بود که از دیده به ساغر می‌شد
از خیال تو به هر سو که نظر می‌کردم
پیش چشمم در و دیوار مصور می‌شد

«سعدی»

در کنار هیجان رقابت تیم‌ملی فوتبال ایران در میدان جهانی، یاد عزیزانی را گرامی می‌داریم که در تجاوز و تهاجم دشمن از میان ما رفتند؛… pic.twitter.com/o21mHSO7f2

— Esmaeil Baqaei (@IRIMFA_SPOX) June 15, 2026

ورلڈ کپ میں ایرانی شائقین کا احتجاج

دوسری جانب جاری فیفا ورلڈ کپ کے دوران ایرانی شائقین نے لاس اینجلس کے سوفی اسٹیڈیم میں فیفا کی پابندی کے باوجود ایران کا قبل از انقلاب قومی پرچم لہرایا۔  ایران اور نیوزی لینڈ کے درمیان ورلڈ کپ کے افتتاحی میچ سے قبل سیکڑوں مظاہرین اسٹیڈیم کے باہر جمع ہوئے اور ایرانی حکومت کے خلاف احتجاج کیا۔ میچ میں ایران نے دو مرتبہ واپسی کرتے ہوئے نیوزی لینڈ کے خلاف 2-2 سے ڈرا کھیلا۔

#Minab: When the world’s most precise missile chose a classroom:

Targeting a school and the mass killing of children are war crimes, and those responsible need to be held to account.https://t.co/LApF2N8Rhc

— Foreign Ministry, Islamic Republic of Iran (@IRIMFA_EN) March 17, 2026

میناب حملے پر امریکی دعوے مسترد

ایران کی وزارت خارجہ نے گزشتہ ہفتے امریکی سینٹرل کمانڈ کے اس دعوے کو مسترد کر دیا تھا کہ فروری میں جس اسکول کو نشانہ بنایا گیا وہ دراصل میزائل لانچنگ تنصیب کا حصہ تھا۔ اسماعیل بقائی نے امریکی موقف کو بے بنیاد اور من گھڑت قرار دیتے ہوئے کہا کہ یہ حقیقت چھپانے کی کوشش ہے کہ 28 فروری کے میزائل حملوں میں 170 سے زائد اسکولی بچے اور اساتذہ ہلاک ہوئے تھے۔

حملے کی حقیقت چھپانے کی کوشش کا الزام

ایرانی وزارت خارجہ کے مطابق امریکی دعوے ایک ’’شرمناک تحریف‘‘ ہیں جن کا مقصد میناب میں ہونے والی ہلاکتوں کی سنگین حقیقت کو چھپانا ہے۔ ترجمان نے کہا کہ اسکول پر حملے میں بڑی تعداد میں معصوم بچوں اور اساتذہ کی جانیں گئیں، جسے ایران کبھی فراموش نہیں کرے گا۔ ایرانی حکام کا کہنا ہے کہ میناب کے متاثرین کی یاد ملک کے قومی شعور کا حصہ بن چکی ہے اور ورلڈ کپ میں قومی ٹیم کی جانب سے پیش کیا گیا یہ خراجِ عقیدت اسی یاد کو زندہ رکھنے کی ایک کوشش ہے۔

بھارت ایکسپریس اردو۔