Mahua Moitra plea in Supreme Court: مہوا موئترا کی لوک سبھا رکنیت معطلی پر سماعت 3 جنوری تک ملتوی، ایتھکس کمیٹی کی رپورٹ کے بعد ٹھہرایا گیا تھا قصوروار

Mahua Moitra plea in Supreme Court: ترنمول کانگریس لیڈر مہوا موئترا کی عرضی پرسپریم کورٹ میں سماعت 3 جنوری کے لئے ملتوی ہوگئی۔ مہوا موئترا نے اپنی لوک سبھا رکنیت ختم ہونے کے خلاف عدالت کا دروازہ کھٹکھٹایا ہے۔ آج سماعت شروع ہوتے ہی بینچ کے صدر جسٹس سنجیو کھنہ نے کہا کہ انہوں نے عرضی کو نہیں پڑھا ہے۔ وہ اسے پڑھنے کے بعد ہی سماعت کرنا چاہیں گے۔

پارلیمنٹ میں سوال پوچھنے کے لئے پیسے لینے کے الزام میں ان کی رکنیت منسوخ کردی گئی ہے۔ مہوا موئترا نے اپنی عرضی میں اپنے خلاف ایتھکس کمیٹی کی سفارش اوراس کے بعد لوک سبھا سے تجویزمنظور ہونے کو غلط بتایا ہے۔