Lok Sabha Elections 2024: “رام بھکت ہر جگہ ہیں”، نونیت رانا نے اسد الدین اویسی کو بنایا نشانہ

Lok Sabha Elections 2024: بھارتیہ جنتا پارٹی کی امیدوار نونیت رانا نے ایک بار اے آئی ایم آئی ایم کے سربراہ اسد الدین اویسی کو نشانہ بنایا ہے۔ نونیت رانا نے ایک انتخابی ریلی کے دوران کہا کہ میں اویسی کو چیلنج کرتی ہوں کہ جب میں حیدرآباد آؤں تو مجھے روکیں۔ رانا نے مزید کہا کہ آج ملک میں ہر جگہ رام بھکت گھوم رہے ہیں۔ آپ کو بتاتے چلیں کہ نونیت رانا کا بیان اویسی کے اس بیان کے بعد آیا ہے جس میں انہوں نے اپنے چھوٹے بھائی کو توپ بتایا تھا۔

آپ کو بتا دیں کہ پچھلے کچھ دنوں سے نونیت رانا اور اسد الدین اویسی کے درمیان گرما گرم بحث چل رہی ہے۔ کافی وقت پہلے اے آئی ایم آئی ایم سربراہ اسد الدین اویسی کے بھائی اکبر الدین اویسی نے ایک بیان میں کہا تھا کہ اگر پولیس 15 منٹ کے لیے پیچھے ہٹتی ہے تو ہم آپ کو بتا دیں گے۔ بی جے پی لیڈر نونیت رانا نے ان کے بیان پر جوابی حملہ کیا۔

بی جے پی لیڈر نونیت رانا نے حیدرآباد میں ایک انتخابی ریلی سے خطاب کرتے ہوئے اکبر الدین اویسی کے 15 منٹ کے بیان پر 15 سیکنڈ کا بیان دیا۔ نونیت رانا نے کہا تھا کہ اگر پولیس کو صرف 15 سیکنڈ کے لیے ہٹا دیا جائے تو چھوٹے اور بڑے کو پتہ نہیں چلے گا کہ وہ کہاں سے آئے اور کہاں گئے۔

“15 منٹ کیا 15 دن لے لیجئے”

اب اسد الدین اویسی نے نونیت رانا کے بیان پر جوابی حملہ کیا ہے۔ انہوں نے کہا کہ 15 سیکنڈ ہو یا 15 گھنٹے… کون ڈرتا ہے ہم تیار ہیں۔ انہوں نے کہا کہ پی ایم مودی سے کہہ کر 15 دن کا وقت لے لیجئے۔

یہ بھی پڑھیں- Lok Sabha Elections 2024: ادھیر رنجن نے کہا- زمین پر نظر نہیں آرہا رام مندر کا اثر، پلوامہ بالاکوٹ پر کہی یہ بات

“دونوں بھائی کہاں گئے پتہ نہیں چلے گا “

دراصل، بی جے پی امیدوار نونیت رانا نے کہا تھا کہ چھوٹا کہتا ہے، 15 منٹ کے لیے پولیس کو ہٹا دو اور ہم دکھائیں گے کہ ہم کیا کر سکتے ہیں۔ میں چھوٹے سے کہتی ہوں، آپ کو 15 منٹ لگیں گے چھوٹے، ہمیں صرف 15 سیکنڈ لگیں گے۔ پولیس کو 15 سیکنڈ کے لیے ہٹا دیا جائے تو چھوٹے-بڑے کو پتہ نہیں چلے گا کہ کہاں سے آئے اور کہاں گئے۔

-بھارت ایکسپریس