قومی

”وہ کہتے ہیں سنبھل کر چلو پاکستان کے پاس ایٹم بم ہے“ اوڈیشہ کے کندھمال میں بولے وزیر اعظم

وزیراعظم نریندر مودی نے اوڈیشہ کے کندھمال میں آج ایک انتخابی جلسے کو خطاب کیا۔ جلسے کی شروعات میں ہی عوامی سیلاب دیکھنے کو ملا۔ یہاں تک کہ پنڈال کے پیچھے تک لوگ وزیراعظم کو سننے-دیکھنے کے لئے کھڑے نظرآئے۔ اس دوران وزیراعظم مودی نے کانگریس پرسخت تنقید کی۔

وہ کہتے ہیں سنبھل کر چلو پاکستان کے پاس ایٹم بم ہے: مودی

اس دوران وزیراعظم نریندر مودی نے کانگریس پر جم کرتنقید کی۔ انہوں نے کہا کہ وہ کہتے ہیں کہ سنبھل کرچلو، پاکستان کے پاس ایٹم بم ہے۔ یہ مرے پڑے لوگ، ملک کے من کو بھی مار رہے ہیں۔ کانگریس کا ہمیشہ ایسا ہی رویہ رہا ہے۔ آج پاکستان کی حالت یہ ہے کہ اب وہ بم بیچنے کے لئے نکلے ہیں۔ کانگریس کے اسی کمزور رویے کی وجہ سے جموں وکشمیر نے 60 سال تک دہشت گردی کو جھیلا ہے۔ ملک نے اتنے دہشت گردانہ حملے جھیلے ہیں، جو ملک بھول نہیں سکتا۔ 26/11 کے ممبئی کے اندردہشت گردانہ حملے کے بع ان کی ہمت نہیں ہوئی کہ وہ دہشت گردی کے سرپرست پر کارروائی کریں۔

منی شنکرایئرنے دیا تھا یہ بیان

واضح رہے کہ حال ہی میں کانگریس پارٹی کے سینئرلیڈرمنی شنکرایئرنے پاکستان سے متعلق ایک بیان دیا ہے، جس سے تنازعہ کھڑا ہوگیا ہے۔ منی شنکرایئرنے کہا تھا کہ ہندوستان کوپاکستان کی عزت کرنی چاہئے، کیونکہ پڑوسی ملک کے پاس نیوکلیئربم ہیں۔ اتنا ہی نہیں انہوں نے یہاں تک کہہ دیا کہ اگرہندوستان، پاکستان کوعزت نہیں دے گا تو وہ ہم پرنیوکلیئرحملہ کرنے کی سوچ سکتا ہے۔

کانگریس باربار لوگوں کو ڈرانے کی کوشش کرتی ہے: وزیراعظم

ہندوستان میں جوہری تجربات کا ذکرکرتے ہوئے وزیراعظم مودی نے کہا، ”26 سال پہلے آج کے دن اٹل بہاری واجپئی کی حکومت نے پوکھران میں جوہری تجربات کئے تھے۔ ایک وہ دن تھا، جب ہندوستان نے اپنی صلاحیتوں کو دنیا کے سامنے پیش کیا تھا اوردوسرا کانگریس کی سوچ تھی، کانگریس بار بار لوگوں کو ڈرانے کی کوشش کرتی ہے۔

ہندوستان کے مسلمان… کوئی اِدھر-اُدھرجائے گا: مودی

انتخابی جلسے میں مسلمانوں کا ذکرکرتے ہوئے وزیراعظم نریندر مودی نے کہا، ”میں آج کانگریس کو دو ٹوک کہوں گا، ہندوستان کے مسلمان، کوئی اِدھر-اُدھر جائے گا ایسا ماننے کی کوشش نہ کریں۔ کانگریس کے شہزادے آئے دن بیان بازی کررہے ہیں۔“ وزیراعظم مودی نے کہا ”کانگریس کو اپوزیشن (پارلیمنٹ میں) بننے کے لئے لوک سبھا کی کل تعداد کا 10 فیصد چاہئے۔ کانگریس والے کان کھول کرسن لیں۔ کانگریس اس ملک میں منظورشدہ اپوزیشن بھی نہیں بن پائے گا۔ وہ 50 سیٹوں (کانگریس) سے نیچے سمٹنے والے ہیں۔“

 بھارت ایکسپریس۔

Nisar Ahmad

Recent Posts

یوگی کے گڑھ گورکھپور میں اکھلیش یادو کابڑا سیاسی شو، 20 کلومیٹر روڈ شو میں امڑی بھیڑ، بی جے پی کے صفائے کا دعویٰ

سماجوادی پارٹی کے سربراہ اکھلیش یادو بدھ کے روز اپنے پی ڈی اے رتھ کے…

6 hours ago

Social Justice Summit: سشما سوراج بھون میں سجے گا سماجی انصاف کا عظیم الشان پلیٹ فارم، وزیر اعظم مودی اختتامی اجلاس سے کریں گے خطاب

19 نومبر کو نئی دہلی میں منعقدہ دو روزہ محکمہ جاتی کانفرنس کے اختتامی اجلاس…

7 hours ago

PM Modi Meets Prince William and Kate: وزیر اعظم نریندر مودی کی پرنس ولیم اور شہزادی کیٹ سے ملاقات، ’ارتھ شاٹ پرائز‘ کی کوششوں کو سراہا

وزیر اعظم نے ماحولیاتی مسائل کے حل کے لیے نئی اختراعات اور ہندوستانی صلاحیتوں کو…

7 hours ago

Ukraine Crisis: کیا یوکرین جنگ ختم ہوگی؟ الاسکا میں ناکام مذاکرات کے بعد کل ٹرمپ اور پوتن کی اہم ملاقات

چین میں ٹرمپ، شی جن پنگ اور ولادیمیر پوتن کی پہلی سہ فریقی ملاقات، یوکرین…

7 hours ago