J&K Assembly election trends: ایک گھنٹے کی گنتی کے رجحانات میں کانگریس کی سونامی، ہریانہ میں 74 امیدوارآگے،جموں کشمیر میں کانگریس-نیشنل کانفرنس کا اتحاداکثریت کے قریب

جموں کشمیر اسمبلی انتخابات اور ہریانہ اسمبلی انتخابات کے نتائج اور رجحانات شروع ہوچکے ہیں چونکہ ووٹوں کی گنتی شروع ہوچکی ہے۔ پہلے بیلٹ پیپر کی گنتی ہورہی ہے۔بیلٹ پیپر کی گنتی مکمل ہونے کے بعد ای وی ایم کی گنتی شروع ہوگی۔ ابھی تک کے ایک گھنٹے کے رجحانات میں ہریانہ کے اندر کانگریس کی سونامی دکھائی دے رہی ہے، جموں کشمیر میں بھی کانگریس کو زبردست بوسٹر ڈوز ملتا دکھائی دے رہا ہے

ایک گھنٹے کے ووٹوں کی گنتی کے رجحانات میں ہریانہ کے اندر کانگریس پارٹی کو 74 سیٹوں پر آگے دیکھا جارہا ہے جبکہ صرف 11 سیٹوں پر بی جے پی امیدوار دکھائی دے رہی ہے۔آئی این ایل ڈی کے صرف دو امیدوار آگے ہیں ،جبکہ تین دیگر امیدوار آگے چل رہے ہیں ۔ وہیں دوسری جانب جموں کشمیر کی بات کریں  ایک گھنٹے کی گنتی کے رجحانات میں یہاں بھی کانگریس نیشنل کانفرنس  کا اتحاد آگےدکھائی دے رہا ہے۔ یہاں کانگریس 18 سیٹوں پر آگے ہے، جبکہ نیشنل کانفرنس 30 سیٹوں پر آگے چل رہی ہے۔ پی ڈی پی کے دو امیدوار آگے ہیں جبکہ بی جے پی کے 24 امیدوار رجحانوں میں آگے چل رہے ہیں ۔

واضح رہے کہ جموں کشمیر میں اسمبلی کی 90 سیٹیں ہیں جہاں اکثریت یا حکومت سازی کیلئے 46 سیٹیں درکار ہیں ۔ ہریانہ میں بھی کچھ ایسی ہی تصویر ہے جہاں کل سیٹیں 90 ہیں جبکہ اکثریت کیلئے یہاں بھی 46 سیٹوں کی ضرورت ہوگی۔

بھارت ایکسپریس۔