-بھارت ایکسپریس
وزیر خارجہ ایس جے شنکر۔ (فائل فوٹو)
وزیرخارجہ ایس جے شنکر نے جمعرات کو پاکستان کا بالواسطہ طور پر ذکرکرتے ہوئے کہا کہ کوئی بھی ملک اپنی پریشانیوں سے باہر نہیں نکل سکتا اور خوشحال نہیں ہوسکتا، اگر اس کی ‘بنیادی انڈسٹری’ دہشت گردی ہے۔ یہ پوچھے جانے پر کہ کیا ہندوستان مصیبتوں کا سامنا کر رہے اپنے پڑوسی ملک کی مدد کرے گا، ایس جے شنکر (S Jaishankar) نے کہا کہ دہشت گردی ہندوستان-پاکستان تعلقات (India-Pakistan Relations) کا بنیادی موضوع ہے، جس سے کوئی بچ نہیں سکتا ہے اور ‘ہم بنیادی مسائل سے انکار نہیں کرسکتے ہیں’۔
وزیرخارجہ کے ذریعہ یہاں منعقدہ ایشیا اقتصادی مکالمہ (Asia Economic Dialogue) میں انہوں نے کہا، ‘کوئی بھی ملک کبھی بھی مشکل صورتحال سے باہر نہیں نکل سکتا اور ایک خوشحال طاقت نہیں بن سکتا، اگر اس کی بنیادی انڈسٹری دہشت گردی ہے۔’ انہوں نے مزید کہا، ‘اگر مجھے کوئی بڑا فیصلہ لینا ہے، تو میں یہ بھی دیکھوں گا کہ عوام کا جذبہ کیا ہے۔ میں سب سے پہلے نبض ٹٹولوں گا کہ میرے لوگ اس کے بارے میں کیا محسوس کرتے ہیں۔ اورمجھے لگتا ہے کہ آپ کو اس کا جواب معلوم ہے’۔
اقتصادی بحران میں پھنس رہا پاکستان
واضح رہے کہ پاکستان غیرملکی قرض ادا کرنے میں چوک کے امکانات کے ساتھ سنگین اقتصادی بحران میں پھنستا ہوا نظرآرہا ہے۔ اسٹیٹ بینک آف پاکستان (ایس بی پی) کے ذریعہ پیر کے روز شیئر کئے گئے اعدادوشمار کے مطابق، پاکستان کا چالو کھاتہ کا خسارہ جنوری میں 90.2 فیصد گھٹ کر 0.24 ارب ڈالر رہ گیا، جو گزشتہ سال اسی ماہ میں 2.47 ارب ڈالر تھا۔ ادائیگیوں کے توازن کے بحران اورامپورٹ کی پابندیوں نے ملک کو ادائیگیوں کے نادہندگی کے دہانے پر پہنچا دیا ہے۔
‘ڈان’ اخبار نے پیر کے روز بتایا کہ دسمبر کے 0.29 ارب ڈالر کے مقابلے میں گھاٹے میں 16.55 فیصد کی کمی آئی ہے۔ ماہرین کا کہنا ہے کہ پاکستان، سری لنکا کی طرح اقتصادی بحران کے قریب پہنچ رہا ہے اور گہرے قرض میں ڈوبے افریقی ملک بھی چین کے لئے ایک طرح کا بحران بن رہے ہیں۔ قرض چوک سے چین کو بھی پریشانیوں کا سامنا کرنا پڑ سکتا ہے، جس کی اقتصادی صورتحال سستی کا سامنا کر رہی ہے۔
پاکستان کے وزیر دفاع خواجہ آصف نے اتوار کو ایک حیران کن تبصرہ میں کہا کہ پاکستان پہلے ہی ادائیگی سے متعلق چوک کرچکا ہے۔ انہوں نے کہا، ‘آپ جان گئے ہوں گے کہ پاکستان دیوالیہ ہو رہا ہے یا ادائیگی چوک کا سامنا کر رہا ہے۔ ایسا ہوچکا ہے۔ ہم ایک دیوالیہ ملک میں رہ رہے ہیں’۔
رام بھدراچاریہ نے اس موقع پر رام مندر کے حوالے سے کئی اہم باتیں کہی…
راشٹریہ لوک دل کے سربراہ اورمرکزی وزیرجینت چودھری نے پارٹی لیڈران پرسخت کارروائی کی ہے۔…
دہلی اسمبلی الیکشن کے لئے بی جے پی نے امیدواروں کے ناموں پر غوروخوض تقریباً…
ذرائع نے انکشاف کیا ہے کہ سوربھ شرما کے اکاؤنٹ کی تمام تفصیلات ان کے…
پی ایم مودی نے اپنے خطاب میں کہا کہ آج ہندوستان موبائل مینوفیکچرنگ میں دنیا…
صدر جمعیۃ علماء ہند مولانا محمود اسعد مدنی نے کامیاب پیروی پر وکلاء کی ستائش…