-بھارت ایکسپریس
ٹی-20 وویمن ورلڈ کپ کے پہلے سیمی فائنل میں آسٹریلیا نے ٹیم انڈیا کو ہرا دیا۔
IND vs AUS T20 WC Semifinal: آئی سی سی خواتین ٹی-20 عالمی کپ 2023 کے پہلے سیمی فائنل میں آسٹریلیائی ٹیم نے ہندوستانی خواتین کرکٹ ٹیم کو 5 رنوں سے شکست دے کر فائنل میں جگہ بنالی۔ آسٹریلیائی ٹیم کی جیت کے بعد ٹیم انڈیا کا خواب چکنا چور ہوگیا۔ آسٹریلیا کے 173 رنوں کے ہدف کا تعاقب کرتے ہوئے ہندوستانی ٹیم 8 وکٹ کے نقصان پر 167 رن بناسکی۔ آسٹریلیائی ٹیم سیمی فائنل میں جیت کے ساتھ خطاب جیتنے کے بے حد قریب پہنچ گئی ہے۔
آسٹریلیائی خواتین ٹیم کی کپتان میگ لیننگ نے ہندوستان کے خلاف ٹاس جیت کر بلے بازی کا فیصلہ کیا اور 4 وکٹ کے نقصان پر 172 رن بنائے۔ رینوکا سنگھ کے آخری اوور میں 18 رن بناکر لیننگ نے اپنی ٹیم کو 172 رنوں تک پہنچا دیا۔ وہیں 173 رنوں کے ہدف کا پیچھا کرنے اتری ہندوستانی ٹیم کی شروعات اچھی نہیں رہی۔ اوپننگ کرنے آئی شیفایل (9) رن بناکر میگن شٹ کا شکار بنیں جبکہ اسمرتی مندھانا (2) گارڈنر کی گیند پرآؤٹ ہوگئی۔ وہیں یاستیکا بھاٹیہ 4 رن بناکر رن آؤٹ ہوگئیں۔ اس کے بعد جیمیما اور کپتان ہرمن پریت نے تیزی سے رن بنائے اور 10 اوور کے اختتام تک ٹیم کا اسکور 3 وکٹ کے نقصان پر 93 رن پہنچا دیا۔ جیمیما نے گراؤنڈ کے چاروں طرف شاٹ لگائے اور 24 گیندوں پر طوفانی 43 رنوں کی اننگ کھیلی۔
آسٹریلیا نے بنائے تھے 172 رن
اس سے قبل، آسٹریلیا کی طرف سے ہیلی اور مونی نے تیز شروعات دلائی۔ حالانکہ 52 رنوں کے اسکور پر ہیلی کے طور پر آسٹریلیا کو پہلا جھٹکا لگا۔ انہیں رادھا یادو کی گیند پر رشا نے اسٹمپ کیا۔ وہیں بیتھ مونی نے 54 رنوں کی اننگ کھیلی۔ مونی کو شکھا پانڈے نے پویلین کی راہ دکھائی۔ جبکہ ایش گارڈنر (31) کو دیپتی شرما نے پویلین بھیجا۔ ہندوستان کی طرف سے شکھا پانڈے نے 2 وکٹ حاصل کئے جبکہ رادھا یادو اور دیپتی شرما نے ایک ایک وکٹ حاصل کئے۔
-بھارت ایکسپریس
سابق رکن پارلیمنٹ نے کہا کہ لڑکیوں کی کارکردگی اتنی اچھی نہیں رہی۔ میرا خیال…
ربی شیرگل کے گیتوں میں پنجابی موسیقی کے ساتھ راک، صوفی اور لوک موسیقی کا…
گیانیش کمار کی معطلی کی درخواست پر سماعت کرتے ہوئے سپریم کورٹ نے الیکشن کمیشن…
صدر پارملین کا راشٹرپتی بھون کے احاطے میں رسمی استقبال کیا گیا۔ صدر دروپدی مرمو…
اپوزیشن پر حملہ کرتے ہوئے اویسی نے کہا، سماج وادی پارٹی کے لوگوں اور تمہارے…
اسٹیٹ بینک آف انڈیا کی ایک رپورٹ میں کہا گیا ہے کہ جغرافیائی سیاسی کشیدگی،…