Indigo airlines receives email bomb threats: انڈیگو ایئرلائنز کوملی  پانچ ایئرپورٹس پر بم بلاسٹ کی دھمکی، دہلی- ممبئی سمیت کئی شہروں میں الرٹ

آج انڈیگو ایئرلائنز کو ای میل کے ذریعے ملک کے پانچ بڑے بین الاقوامی ہوائی اڈوں پر بم دھماکے کی دھمکی دی گئی۔ ایئرلائن کے مطابق انہیں 12 نومبر 2025 کو کچھ دیر پہلے یہ دھمکی موصول ہوئی، جس میں دہلی، ممبئی، چنئی، ترووننتپورم اور حیدرآباد ایئرپورٹس پر خطرے کی بات کہی گئی ہے۔

دھمکی کو ’’غیر مخصوص‘‘ قرار دیا گیا

یہ اطلاع ملتے ہی ہوائی اڈوں پر سیکیورٹی ایجنسیوں کو فوری طور پر الرٹ کر دیا گیا۔ فی الحال اس دھمکی کو ’’غیر مخصوص‘‘ قرار دیا گیا ہے، یعنی اس میں کوئی واضح یا مخصوص تفصیلات شامل نہیں۔ اطلاعات کے مطابق سکیورٹی چیکنگ سخت کر دی گئی ہے تاہم پروازوں پر کوئی اثر نہیں پڑا۔

پولیس کی سائبر سیل کو معاملے کی تفتیش سونپ دی گئی

پولیس کی سائبر سیل کو اس معاملے کی تفتیش سونپ دی گئی ہے۔ یہ واقعہ حالیہ جعلی دھمکیوں کے سلسلے کا ایک حصہ معلوم ہوتا ہے۔ مسافروں سے اپیل کی گئی ہے کہ وہ گھبرائیں نہیں اور حفاظتی ہدایات پر عمل کریں۔

بھارت ایکسپریس اردو۔