Edelweiss Group کے ممبئی واقع دفتر پر انکم ٹیکس کی چھاپہ ماری

ممبئی میں انوسٹمنٹ اور فائنانشیل سروس کمپنی ایڈل وائس گروپ کے دفاتر پرانکم ٹیکس کی ٹیم نے چھاپہ ماری کی ہے۔ ذرائع کے مطابق، یہ جانکاری سامنے آئی ہے کہ ایڈل وائس گروپ کے دفاتر پر آئی ٹی کی ٹیم اس وقت موجود ہے۔ اطلاعات کے مطابق، انکم ٹیکس ٹیم کی یہ کارروائی صبح سے جاری ہے۔

آئی ٹی محکمہ کی ممبئی ٹیم اس تلاشی اور جانچ کی قیادت کر رہی ہے۔ ابھی تک پوری جانکاری نہیں سامنے آئی ہے کہ انکم ٹیکس کی ٹیم کو چھاپہ ماری میں کیا دستاویز ہاتھ لگے ہیں اور کب تک یہ چھاپہ ماری چلے گی۔ وہیں فرم کی طرف سے بھی ابھی کوئی آفیشیل بیان نہیں جاری کیا گیا ہے۔

واضح رہے کہ ایڈل وائس گروپ کا قیام 1995 میں راشیرا شاہ اور وینکٹ راما سوامی نے کی تھی۔