Crime in Delhi: دہلی میں ملزم نے صرف 350 روپے کے لیے پہلے بے دردی سے کیا قتل، بعد میں لاش کے سامنے کیا رقص

New Delhi: دہلی کا ایک حیران کن ویڈیو ان دنوں وائرل ہو رہا ہے۔ اس ویڈیو میں ملزم ایک نوجوان پر چاقو سے مسلسل حملہ کرتا ہے اور بعد میں اس کی گردن پر چاقو رکھ کر اسے کاٹتا ہوا نظر آرہا ہے۔ چھری سے کئی بار گردن کاٹنے کے بعد ملزم لاش کو لات مارتا ہے  اور پھر اس کے سامنے کھڑا ہو کر رقص کرتا ہے۔ اب تک کی اطلاعات کے مطابق ملزم نابالغ ہے۔ اور اس نے یہ واقعہ صرف 350 روپے کے لئے انجام دیا۔

پولیس نے اس معاملے میں تفتیش شروع کر دی ہے۔ پولیس کے مطابق واقعہ ویلکم ایریا کے جنتا مزدور کالونی میں پیش آیا۔ پولیس کی ابتدائی تفتیش میں اس قتل کے پیچھے ڈکیتی کی وجہ سامنے آئی ہے۔ پولیس کے مطابق ملزم نے پہلے اس شخص کا گلا دبایا اور بعد میں اسے بے دردی سے قتل کر دیا۔

اس پر حملے کا واقعہ جائے وقوعہ کے قریب نصب سی سی ٹی وی کیمرے میں قید ہو گیا ہے۔ اس فوٹیج میں دیکھا جا سکتا ہے کہ کس طرح ملزم پہلے لاش کو بالوں سے گھسیٹ کر باہر گلی میں لے جاتا ہے اور بعد میں ایک کے بعد ایک حملہ کرتا ہے۔ اس پر کئی بار حملہ کرنے کے بعد بھی جب اسے یقین نہیں آتا کہ وہ مر چکا ہے تو اس کا گلا کاٹنا شروع کر دیتا ہے۔ اس کا گلا کاٹنے کے بعد وہ اس کی لاش کے سامنے ناچتا بھی ہے اور بعد میں لاش کو بالوں سے پکڑ کر گلی کے اندر لے جاتا ہے۔

نارتھ ایسٹ پولیس کے ڈی سی پی جوئے ٹرکی نے کہا کہ ہمیں منگل کو تقریباً 11.15 بجے پی سی آر کال موصول ہوئی۔ فون کرنے والے نے بتایا تھا کہ مقتول کی عمر 18 سال کے قریب ہے اور اسے ایک نابالغ نے قتل کیا ہے۔ اس کے بعد ہماری ٹیم موقع پر پہنچی اور اس شخص کو قریبی اسپتال لے جایا گیا۔ جہاں اسے مردہ قرار دے دیا گیا۔

یہ بھی پڑھیں- Firing In Gurudwara: پنجاب کے گوردوارے میں نہنگ سکھوں نے کی فائرنگ، ایک پولیس اہلکار ہلاک، تین زخمی

اس واقعہ کے منظر عام پر آنے کے بعد پولیس نے نابالغ ملزم کو حراست میں لے لیا ہے۔ پولیس کی ابتدائی تفتیش میں یہ بات سامنے آئی ہے کہ ملزم نے صرف 350 روپے کے لئے قتل کیا۔ پولیس فی الحال متاثرہ کی شناخت کرنے کی کوشش کر رہی ہے۔ علاقے کی سی سی ٹی وی فوٹیج کی جانچ کی جا رہی ہے، اور تحقیقات میں مدد کے لیے ایک فارنسک ٹیم کو بھی موقع پر روانہ کر دیا گیا ہے۔

-بھارت ایکسپریس