In a first ,BJP MLA delivers speech in English: یوپی اسمبلی میں زبانوں پر جاری تکرار کے درمیان انگریزی میں تقریر کرنے والے پہلے بی جے پی ایم ایل اے بن گئے راجیشور سنگھ

یوپی میں یوگی حکومت کا بجٹ پیش کیا جاچکا ہے حالانکہ اس بجٹ کے دوران زبان پر کافی گرما گرم بحث ہوئی ،یوگی آدتیہ ناتھ نے اردو کی مخالفت میں بہت آگے بڑھ گئے تو ہیں سماجوادی پارٹی کے ممبران اسمبل نے اردو کے سلسلے میں انہیں حقیقت سے روبرو کرانے کی کوشش کی۔ سماجوادی پارٹی کی طرف سے لیڈرآف اپوزیشن نے انگریزی زبان کو زبردستی تھوپنے کی مخالفت کی تھی جس پر حکمراں جماعت آگ بگولہ ہوگئی اور اردو کے خلاف بہت کچھ کہتی چلی گئی ۔اسی دوران سروجنی نگر سے بی جے پی کے ایم ایل اے ڈاکٹر راجیشور سنگھ نے بجٹ پر اپنا خطاب انگریزی زبان میں دیا۔ عام طور پر یوپی اسمبلی میں انگریزی میں خطاب شاذ ونادر ہی دیکھنے کو ملتا ہے ،البتہ زبان کی لڑائی میں ڈاکٹر راجیشور سنگھ نے نہ صرف انگریزی کو عالمی زبان بتائی بلکہ انہوں نے اسمبلی میں انگریزی میں بجٹ پر تقریر بھی کی اور ایسا کرنے والے وہ پہلے اورواحد ایم ایل اے رہے۔

واضح رہے کہ پیر کو اتر پردیش قانون ساز اسمبلی میں اپنے خطاب کے دوران سروجنی نگر کے ایم ایل اے ڈاکٹر راجیشور سنگھ نے ریاست کی تاریخ میں سب سے زیادہ جامع اور ترقی پر مبنی بجٹ پیش کرنے پر وزیر اعلی یوگی آدتیہ ناتھ اور وزیر خزانہ سریش کھنہ  کی قیادت کی تعریف کی۔ انہوں نے 8.8 لاکھ کروڑ روپے کے بجٹ کو تاریخی قرار دیا اور کہا کہ بجٹ 79,000 کروڑ روپے کے ریونیو سرپلس اور 2.97 فیصد کے کنٹرولڈ مالیاتی خسارے کے ساتھ مالیاتی نظم و ضبط کی ایک بہترین مثال ہے۔