بی جے پی میں شامل ہوئے سابق آئی پی ایس پریم پرکاش کا مختار انصاری اور عتیق احمد سے متعلق بڑا دعویٰ

بی جے پی میں شامل ہوئے سابق آئی پی ایس افسرپریم پرکاش نے سابق رکن پارلیمنٹ عتیق احمد اورسابق رکن اسمبلی مختارانصاری سے متعلق بڑا بیان دیا ہے۔ منگل کو ہی بی جے پی میں شامل ہوئے سابق آئی پی ایس پریم پرکاش نے میڈیا سے بات چیت کرتے ہوئے کہا کہ مختارانصاری کولاتے وقت لوگوں کوخدشہ تھا کہ گاڑی پلٹے گی، لیکن ہم کبھی بھی اس کے حصہ دارنہیں بنے۔ میرا ماننا ہے کہ قانون کے مطابق ہی کام ہونا چاہئے۔

پریم پرکاش نے دعویٰ کیا کہ سماجوادی پارٹی حکومت میں عتیق احمد اورمختارانصاری کے گھرڈی ایم، ایس پی کے نام طے ہوتے تھے، میں نے مختارانصاری اورعتیق احمد دونوں پرکام کیا تھا۔ عتیق احمد کے قتل پرسابق افسرنے کہا کہ جنہوں نے جوکام کیا ہے، پھل ملے گا۔ جس نے گولی چلائی ہے، اس پرگولی چلتی ہے کبھی نہ کبھی۔ یہ بدمعاشوں کی لڑائی تھی۔ جومتاثرتھے، انہوں نےاپنا بدلاچکایا۔