Haryana Floor Test: ہریانہ میں آج نئی حکومت کا فلور ٹیسٹ، کیا اکثریت ثابت کر پائیں گے نایب سنگھ سینی؟

Haryana Floor Test: ہریانہ میں، منگل کو منوہر لال کھٹر کے استعفیٰ کے بعد، نائب سنگھ سینی نے ریاست کے نئے وزیر اعلی کے طور پر حلف لیا۔ نائب سنگھ سینی کے علاوہ بی جے پی کے چار ایم ایل اے اور ایک آزاد ایم ایل اے نے وزیر کے طور پر حلف لیا۔ بی جے پی کے کنور پال کے علاوہ مول چند شرما، جئے پرکاش دلال، بنواری لال اور آزاد ایم ایل اے رنجیت سنگھ چوٹالہ نے بطور وزیر حلف لیا۔ یہ پانچوں منوہر لال کھٹر کی کابینہ میں بھی وزیر تھے۔ اس کے ساتھ ہی وزیراعلیٰ نے گورنر سے بدھ کو اسمبلی اجلاس بلانے کی درخواست کی ہے۔

دوسری جانب سابق وزیر داخلہ اور امبالہ کنٹونمنٹ سے چھ بار ایم ایل اے رہنے والے انل وج کو نئی کابینہ میں جگہ نہیں ملی۔ مانا جا رہا ہے کہ انل وج ناراض ہیں اور حلف برداری کی تقریب میں موجود نہیں تھے۔ یہاں پارٹی میٹنگ کے بعد وہ سیدھے امبالہ میں اپنی رہائش گاہ کے لیے روانہ ہوئے۔

حلف برداری کے بعد سی ایم نایب سنگھ سینی نے کہا کہ انہوں نے گورنر کو 48 اراکین اسمبلی کی جانب سے حمایت کا خط پیش کیا ہے اور ان سے بدھ کو اسمبلی اجلاس بلانے کی درخواست کی ہے تاکہ حکومت ایوان میں اپنی اکثریت ثابت کر سکے۔

یہ بھی پڑھیں- Israel-Hamas Cease Fire: اسرائیل اور حماس کے درمیان ابھی نہیں ہوگی جنگ بندی، قطر کی طرف سے آیا بڑا بیان

سی ایم سینی نے کہا، ’’ہم نے گورنر سے کل اسمبلی اجلاس بلانے کی درخواست کی ہے، جب ہم ایوان میں اپنی اکثریت ثابت کریں گے۔‘‘ جب ان سے پوچھا گیا کہ کتنے ایم ایل اے حکومت کی حمایت میں ہیں، تو انہوں نے کہا کہ ہم نے گورنر کو 48 اراکین اسمبلی کی طرف سے حمایت کا خط دیا ہے۔لوک سبھا انتخابات سے چند ہفتے قبل بی جے پی نے ہریانہ میں ایک نئی سیاسی چال چلی ہے اور  وزیر اعلیٰ کو تبدیل کر دیا ہے۔ چیف منسٹر کے طور پر منوہر لال کھٹر کی دوسری میعاد اس ماہ اکتوبر میں اسمبلی انتخابات کے ساتھ ختم ہونے والی تھی۔ لیکن، اس سے پہلے ہی بی جے پی ہائی کمان نے سی ایم کو بدل دیا۔

-بھارت ایکسپریس