Farmers Hail PM Modi for Dhan-Dhaanya Yojana: ’’پردھان منتری دھن-دھانیا کرشی یوجنا ‘‘ سے 1.7 کروڑ کسانوں کو ہوگا 24,000 کروڑ روپے کا فائدہ، جھارکھنڈ-بہار کے کسانوں نے ادا کیا وزیر اعظم مودی کا شکریہ

وزیر اعظم نریندر مودی کی طرف سے شروع کی گئی ’’پردھان منتری دھن-دھانیا کرشی یوجنا‘‘ کا اعلان ملک کے 1.7 کروڑ کسانوں کو براہ راست فائدہ پہنچانے والا ہے۔ اس اسکیم کے تحت کسانوں کو ہر سال 24,000 کروڑ روپے کی رقم مختص کی جائے گی، جس سے جھارکھنڈ اور بہار جیسی ریاستوں کے کسانوں کو فائدہ پہنچے گا۔

اس اسکیم کو لے کر کسانوں میں جوش و خروش ہے اور اسے دیہی علاقوں کی ترقی کے لیے ایک بڑا قدم قرار دیا جا رہا ہے۔ جھارکھنڈ کے ایک کسان کنال سہدیو نے آئی اے این ایس سے خصوصی بات چیت میں کہا کہ اس اسکیم سے 1.7 کروڑ کسان مستفید ہوں گے اور خاص کر جھارکھنڈ کے کسان اس سے بہت خوش ہیں۔ انھوں نے مزید بتایا کہ 24000 کروڑ روپے کی یہ اسکیم دیہی معیشت کو مضبوط کرے گی۔

اسی دوران جھارکھنڈ کے ایک اور کسان شنکر مہتو نے اسے کسانوں کے لیے بہت فائدہ مند بتایا۔ انھوں نے کہا کہ اس اسکیم سے دیہی علاقوں میں ترقی کے نئے امکانات کھلیں گے۔ ایک اور کسان رومن ترکے نے کہا کہ یہ اسکیم دیہی علاقوں کے لیے ایک اعزاز ثابت ہوگی اور اس سے ان کی معاشی حالت بہتر ہوگی۔

اب ایک ہی دفتر میں ہوں گے کسانوں کے سارے کام

بہار کے روہتاس ضلع کے آشوتوش سنگھ نے اس اسکیم کو کسانوں کے لیے دوہری خوشی کا موقع قرار دیا۔ انھوں نے کہا کہ روہتاس ایک زرعی ضلع ہے اور اس اسکیم سے کسانوں کو کافی فائدہ ہوگا۔ روہتاس کے ایک اور کسان کرشن کمار نے کہا کہ پی ایم مودی کسانوں کے لیے 24 ہزار کروڑ کی اسکیم لائے ہیں۔ کسانوں کے لیے یہ خوشی کی بات ہے کہ اب انھیں مختلف دفاتر میں نہیں جانا پڑے گا۔ اب کسانوں کے تمام کام ایک دفتر میں ہوں گے۔ انھوں نے کہا کہ پی ایم مودی نے کسانوں کو براہ راست فائدہ پہنچانے کے لیے یہ اسکیم لائی ہے۔

ایک اور کسان سنتوش کشواہا نے کہا کہ پی ایم مودی کی طرف سے لائی گئی 24 ہزار کروڑ کی اس اسکیم سے کسانوں کی کئی پریشانیاں دور ہو جائیں گی۔ انھوں نے کہا کہ ’’کسان زراعت سے متعلق کسی بھی معلومات کے لیے اپنے ہی ضلع کے زرعی مرکز جا سکتے ہیں۔ اس کے لیے وزیر اعظم کا بہت شکریہ۔‘‘ واضح رہے کہ مرکزی حکومت نے بدھ کو ’’پردھان منتری دھن-دھانیا کرشی یوجنا‘‘ کو منظوری دے دی ہے۔ یہ اسکیم اگلے چھ سال تک جاری رہے گی۔

بھارت ایکسپریس اردو