Jammu Kashmir Encounter: جموں و کشمیر کے کپواڑہ میں فوج اور دہشت گردوں کے درمیان تصادم، ایک دہشت گرد ہلاک

جموں و کشمیر کے کپواڑہ ضلع کے علاقے میں بدھ 24 جولائی کو بھارتی فوج اور دہشت گردوں کے درمیان تصادم ہوا۔ فوج کے جوانوں نے ایک دہشت گرد کو مار گرایا۔ کپواڑہ میں اس تصادم میں فوج کا ایک جوان بھی زخمی ہوا ہے۔ اس وقت آپریشن جاری ہے۔ گزشتہ چند ہفتوں سے جموں و کشمیر کے کسی نہ کسی ضلع میں تقریباً ہر روز سیکورٹی فورسز اور دہشت گردوں کے درمیان تصادم ہو رہا ہے۔ فوج نے ایل او سی پر دراندازی کی کئی کوششوں کو بھی ناکام بنایا ہے۔

منگل 23 جولائی کو کپواڑہ میں سیکورٹی فورسز اور دہشت گردوں کے درمیان تصادم ہوا۔اس دوران وہ دہشت گردوں سے آمنے سامنے ہوا،جس کے بعد ضلع کے لولاب علاقے میں انکاؤنٹر شروع ہو گیا۔ کشمیر ڈویژن کی پولیس نے سوشل میڈیا پلیٹ فارم X پر ایک پوسٹ میں کہا، “سیکورٹی فورسز کو کپواڑہ کے لولاب میں تریمکھا ٹاپ کے قریب دہشت گردوں کی موجودگی کی اطلاع ملنے کے بعد آپریشن شروع کیا گیا۔”

پونچھ میں فوج نے دراندازی کی کوشش ناکام بنادیا

پاکستان سے آنے والے دہشت گردوں کے ذریعے ہندوستان میں دراندازی کی مسلسل کوششیں جاری ہیں۔ فوج نے منگل کی صبح پونچھ ضلع میں لائن آف کنٹرول (ایل او سی) پر دہشت گردوں کی دراندازی کی کوشش کو ناکام بنا دیا۔ اس دوران دہشت گردوں اور فوج کے جوانوں کے درمیان فائرنگ ہوئی، جس میں ایک فوجی زخمی ہوا۔ علاج کے  دوران زخمی سپاہی کی موت ہوگی ۔ ‘وائٹ نائٹ کور’ نے کہا کہ چوکس فوجیوں نے صبح 3 بجے بٹل سیکٹر میں دراندازی کی کوشش کرنے والے دہشت گردوں کی فائرنگ کا منہ توڑ جواب دیتے ہوئے دراندازی کی کوشش کو ناکام بنا دیا۔

ذرائع کا کہنا ہے کہ پاکستان سے آنے والے دہشت گرد ہتھیاروں سے لیس تھے۔ ان کے ایک گروپ نے کرشنا گھاٹی پٹی کے بٹل سیکٹر میں دراندازی کی کوشش کی۔ اس دوران وہاں تعینات فوجیوں نے ان کی سرگرمیوں کو فوراً محسوس کیا۔ فوجیوں نے دراندازوں پر فائرنگ شروع کر دی۔ جس کی وجہ سے دہشت گرد پسپائی پر مجبور ہوئے۔ فائرنگ سے دہشت گردوں کو بھی نقصان پہنچا۔ بعد میں فوج نے یہاں سرچ آپریشن بھی کیا۔

بھارت ایکسپریس