بھارت ایکسپریس-
ایکناتھ شندے نے نیلم گورے کو شیو سینا کا لیڈر بنایا ہے۔
Shiv Sena Party News: مہاراشٹر کےوزیراعلیٰ ایکناتھ شندے نیلم گورے کو شیوسینا میں ‘لیڈر’ مقررکیا ہے۔ پارٹی صدر کے بعد سب سے سینئر لیڈرکو یہ عہدہ دیا جاتا ہے۔ مہاراشٹر قانون سازکونسل کی نائب صدراورادھو ٹھاکرے گروپ کی لیڈر نیلم گورے جمعہ کے روز (7 جولائی) کو ممبئی میں ایکناتھ شندے کی قیادت والی شیو سینا میں شامل ہوگئی تھیں۔
سابق وزیراعلیٰ ادھو ٹھاکرے کی قابل اعتماد رہیں نیلم گورے ممبئی میں شندے اور نائب وزیراعلیٰ دیویندرفڑنویس کی موجودگی میں برسراقتدار پارٹی میں شامل ہوئیں۔ شندے خیمے میں شامل ہونے والی وہ قانون ساز کونسل کی تیسری شیو سینا رکن ہیں۔
شندے نے بتایا تھا تاریخی لمحہ
پی ٹی آئی کی خبر کے مطابق، نیلم گورے نے اس موقع پر کہا، ”ایکناتھ شندے کی باصلاحیت قیادت میں شیو سینا صحیح سمت میں آگے بڑھ رہی ہے۔ میں نے خواتین کے موضوع اور ریاست اور ملک کی بہترین ترقی کو دھیان میں رکھتے ہوئے شیو سینا میں شامل ہونے کا فیصلہ کیا ہے۔” وزیراعلیٰ شندے نے نیلم گورے کے اپنی پارٹی میں شامل ہونے کو تاریخی حادثہ بتایا تھا۔
یہ حادثہ ایسے وقت میں ہوا ہے، جب اجیت پوارکی قیادت میں نیشنلسٹ کانگریس پارٹی (این سی پی) کے ایک خیمے کے مہاراشٹرحکومت میں شامل ہونے کے بعد شندے کی قیادت والی شیوسینا میں بے چینی ہے۔ شیوسینا (شندے گروپ) کے کئی لیڈران نے اجیت پوارکے حکومت میں شامل ہونے سے متعلق ناراضگی کا اظہار کیا تھا۔
یہ بھی پڑھیں: Maharashtra NCP Crisis: اجیت پوار گروپ کا دعویٰ- 43 اراکین اسمبلی ہمارے ساتھ، کوئی پریشانی نہیں
شیوسینا نے کہی یہ بات
دوسری طرف، شیو سینا (یوبی ٹی) کے رکن پارلیمنٹ ونائک راوت نے کہا کہ جن لوگوں نے ادھو ٹھاکرے سے فضل حاصل کیا۔ انہوں نے صرف عہدہ حاصل کرنے کے لئے انہیں اور شیو سینا کو ‘دھوکہ’ دیا۔ شیو سینا (یو بی ٹی) کے ایک دیگرلیڈر اور قانون ساز کونسل انل پرب نے کہا کہ لاکھوں کارکنان ادھوٹھاکرے کے ساتھ ہیں۔ انل پرب نے کہا، ”ہمیں ایسے موقع پرست لوگوں کی پرواہ نہیں ہے۔
بھارت ایکسپریس-
طالبان نے کئی سخت قوانین نافذ کیے ہیں اور سو سے زائد ایسے احکام منظور…
اداکارہ نینتارہ نے سوشل میڈیا پر لکھے گئے خط میں انکشاف کیا ہے کہ اداکار…
بہوجن وکاس اگھاڑی کے ایم ایل اے کشتیج ٹھاکر نے ونود تاوڑے پر لوگوں میں…
نارائن رانے کا یہ بیان ایسے وقت میں آیا ہے، جب مہاراشٹر حکومت الیکشن کے…
تفتیش کے دوران گل نے یہ بھی انکشاف کیا کہ اس نے بابا صدیقی کے…
وزیر اعظم نریندر مودی نے اپنے غیر ملکی دوروں کا استعمال احتیاط سے منتخب تحائف…