ED Team Attacked:دہلی کے بجواسن میں ای ڈی کی ٹیم پر حملہ، پولیس موقع واردات پر پہنچی،ایف آئی آر درج

نئی دہلی : جمعرات کو دہلی کے بجواسن علاقہ میں ای ڈی کی ٹیم پر حملہ کیا گیا۔ سائبر کرائم کیس کی تفتیش کے لیے گئی ٹیم پر ملزمین نے حملہ کر دیا۔ پولیس نے موقع پر پہنچ کر صورتحال پر قابو پالیا۔ ای ڈی افسران کی سیکورٹی بڑھا دی گئی ہے۔

ایف آئی آر درج

آج صبح جب ای ڈی کی ٹیم پی پی پی وائی ایل سائبر ایپ فراڈ کیس سے متعلق اشوک شرما اور ان کے بھائی کے گھر پر چھاپہ مارنے پہنچی تو ملزمین نے ان پر حملہ کر دیا۔ اس معاملے میں ایف آئی آر بھی درج کی گئی ہے۔ ایف آئی آر کے مطابق ٹیم پر اس وقت حملہ کیا گیا جب وہ چھاپہ مار رہی تھی۔

ای ڈی کے اسسٹنٹ ڈائریکٹر زخمی

چھاپے کے دوران ای ڈی ٹیم پر حملے میں ای ڈی کے اسسٹنٹ ڈائریکٹر زخمی ہو گئے ۔ انہیں فوری طور پر ہسپتال لے جایا گیا۔ جہاں ان کا علاج جاری ہے۔ آپ کو بتا دیں کہ جب ای ڈی ٹیم پر حملہ ہوا تو ایک ملزم اس کا فائدہ اٹھا کر وہاں سے فرار ہو گیا۔ پولیس نے موقع پر پہنچ کر پہلے ای ڈی ٹیم کی سیکورٹی بڑھائی اور پھر مفرور ملزمین کی تلاش شروع کر دی۔