Cloudburst in Himachal: شملہ-کلو میں بارش سے تباہی… 6 ہلاک، 53 لاپتہ، بادل پھٹنے سے 60 سے زائد مکانات بہہ گئے، وزیراعلیٰ نے کیا یہ اعلان

Cloudburst in Himachal: ہماچل پردیش میں موسلادھار بارش نے تباہی مچا دی ہے۔ ریاست کے کئی اضلاع میں بادل پھٹنے سے 8 لوگوں کی موت ہو گئی۔ 50 سے زائد افراد لاپتہ ہیں۔ محکمہ موسمیات نے ریاست کے کئی اضلاع میں موسلادھار بارش کا الرٹ جاری کیا ہے۔ مقامی انتظامیہ اس حوالے سے الرٹ ہوگئی ہے۔ شدید بارشوں کے بعد بلندی والے علاقوں میں لینڈ سلائیڈنگ کے واقعات میں اضافہ ہوا ہے۔ تمام پہاڑی دریاؤں کا بہاؤ تیز ہو گیا ہے۔ سیاحوں کو مشورہ دیا گیا ہے کہ وہ تیز بارش میں باہر نہ نکلیں۔

شملہ اور کولو اضلاع میں 6 کی موت

ریاستی ڈیزاسٹر منیجمنٹ ڈپارٹمنٹ کے اسپیشل سکریٹری ڈی سی رانا نے بتایا کہ بادل پھٹنے سے شملہ ضلع کے سمیج علاقہ، رام پور علاقہ، کلو کے باغی پل علاقہ اور منڈی کے پدار علاقہ میں بڑے پیمانے پر تباہی ہوئی ہے۔ 53 افراد لاپتہ ہیں اور 6 لاشیں نکال لی گئی ہیں۔ 60 سے زائد مکانات بہہ گئے۔ سیلاب سے کئی دیہات بری طرح متاثر ہوئے ہیں۔ این ڈی آر ایف اور ایس ڈی آر ایف نے پھنسے ہوئے لوگوں کو بچایا ہے۔

کلو، منڈی اور شملہ میں پھٹ گئے بادل

بدھ کی رات ہماچل کے تین اضلاع – کلّو، منڈی اور شملہ میں بادل پھٹنے سے سیلاب کی وجہ سے دو لاشیں منڈی کے راجبن گاؤں اور ایک کلو کے نرمنڈ سے برآمد ہوئی ہیں۔ کلو میں شری کھنڈ مہادیو کے ارد گرد پھنسے ہوئے تقریباً 300 لوگ محفوظ ہیں اور ملانہ میں تقریباً 25 سیاحوں کی مقامی لوگ اچھی طرح دیکھ بھال کر رہے ہیں۔

یہ بھی پڑھیں- Weather Update: دہلی میں کتنے دنوں تک ہوگی بارش؟ محکمہ موسمیات نے پنجاب، ہریانہ اور پہاڑی ریاستوں کے لیے بھی جاری کیا الرٹ

وزیراعلیٰ نے متاثرین سے کی بات چیت

حکام نے بتایا کہ بچاؤ آپریشن فوج، این ڈی آر ایف، انڈو تبت بارڈر پولیس، اسٹیٹ ڈیزاسٹر ریسپانس فورس، پولیس اور ہوم گارڈ کے اہلکاروں نے ڈرون کی مدد سے کیا۔ ہماچل پردیش کے وزیر اعلیٰ سکھویندر سنگھ سکھو نے وزیر تعلیم روہت ٹھاکر کے ساتھ شملہ اور کلّو اضلاع کی سرحد پر واقع سمیج کا دورہ کیا اور صورتحال کا جائزہ لیا اور متاثرین سے بات کی۔

حکومت متاثرین کو ماہانہ دے گی5 ہزار روپے

سی ایم سکھو نے کہا کہ لوگوں کو بچانا ریاست کی اولین ترجیح ہے۔ لاپتہ ہونے والوں میں 17-18 خواتین اور 8-9 بچے شامل ہیں۔ وزیراعلیٰ نے متاثرین کے لیے 50,000 روپے کی فوری امداد کا اعلان کیا اور یہ بھی کہا کہ انہیں اگلے تین ماہ تک کرایہ کی مد میں 5,000 روپے ماہانہ دیا جائے گا۔ اس کے علاوہ کھانا پکانے کی گیس، خوراک اور دیگر ضروری اشیاء بھی فراہم کی جائیں گی۔

-بھارت ایکسپریس