قومی

Delhi News: دہلی میں گوکل پوری میٹرو اسٹیشن کا ایک حصہ منہدم، ایک کی موت، چار زخمی

Delhi News: دہلی کے گوکل پوری میٹرو اسٹیشن کا ایک حصہ منہدم ہوگیا ہے۔ میٹرو اسٹیشن سے کچھ ملبہ گرنے کی وجہ سے ایک شخص دب گیا،اسے ملبے سے نکال لیا گیا ہے۔ کچھ موٹر سائیکلیں بھی ملبے تلے دب گئی ہیں جنہیں نکالا جا رہا ہے۔ اس واقعہ سے پورے علاقے میں کہرام مچ گیا ہے۔ ریسکیو ٹیم اور فائر ڈپارٹمنٹ کی ٹیم موقع پر پہنچ گئی ہے۔

نیوز کے مطابق چلتی میٹرو لائن کی سائیڈ سلیب کا ایک حصہ گر گیا، اس واقعے میں اب تک ایک شخص جاں بحق جب کہ 4 افراد زخمی بتائے جا رہے ہیں۔ متوفی کی تاحال شناخت نہیں ہو سکی ہے۔ ڈی ایف ایس ملازمین نے ملبے تلے دبے دو افراد کو نکال کر جی ٹی بی ہسپتال پہنچایا۔ دیگر دو افراد کو ڈی ایف ایس یونٹ کی آمد سے پہلے ہی ہٹا دیا گیا تھا۔ اس واقعہ میں کچھ موٹر سائیکلوں کو بھی نقصان پہنچا۔ گوکل پوری ڈی ایف ایس کی ایک یونٹ کو اسٹینڈ بائی پر رکھا گیا ہے کیونکہ سلیب کا ایک حصہ ابھی بھی وہاں لٹکا ہوا ہے۔

-بھارت ایکسپریس

Mohd Sameer

Recent Posts

Ghaziabad Massive Fire: غازی آباد کے پلاسٹک گودام میں بھیانک آتشزدگی، آگ بجھانے میں لگے 8 گھنٹے

فائر بریگیڈ کے مطابق آگ لگنے کی اطلاع رات 12 بج کر 33 منٹ پر…

12 minutes ago

Gautam Adani, Chairman of the Adani Group: ماتا امرتا آنندمئی سے ملاقات انتہائی جذباتی اور متاثر کن تجربہ تھا: گوتم اڈانی

نائب صدر جمہوریہ سی پی رادھا کرشنن نے کیرالہ کے کولم ضلع میں واقع امرت…

57 minutes ago