اروند کیجریوال-سسودیا سمیت عام آدمی پارٹی کے کئی لیڈران کی مشکلات میں اضافہ، دہلی ہائی کورٹ نے توہین عدالت معاملے میں مانگا جواب

نئی دہلی: دہلی ہائی کورٹ نے منگل کوجسٹس سورن کانتا شرما کے خلاف تبصرہ سے متعلق توہین عدالت کے ایک مجرمانہ کیس میں اروند کیجریوال، منیش سسودیا، سنجے سنگھ اوردیگرسے جواب مانگا ہے۔ جسٹس نوین چاولہ اوررویندرڈوڈیجا کی بینچ نے نوٹس جاری کرتے ہوئے کہا کہ 14 مئی کوآرڈرکی بنیاد پرکارروائی شروع کی گئی ہے۔ سنگل جج نے سوشل میڈیا پوسٹ اور دوسرے الیکٹرانک اورپبلیکیشن ریکارڈ سے ملے مٹیریل (مواد) پربھروسہ کیا ہے۔  رجسٹری کوحکم دیا جاتا ہے کہ اس کی کاپی سنبھال کررکھیں اورانہیں اس کورٹ کے سامنے رکھیں۔ مبینہ توہین عدالت کے ملزمین 4 ہفتے میں اپنا جواب داخل کرسکتے ہیں۔

حالانکہ سماعت کے دوران عدالت کے سامنے کوئی وکیل پیش نہیں ہوا، پھربھی عدالت نے کہا کہ مدد کے لئے ایک ایمکس اپائنٹ (عدالت کا دوست) کرے گا۔ دہلی ہائی کورٹ اس کیس کی اگلی سماعت 4 اگست کوکرے گی۔ اروند کیجریوال، منیش سسودیا اوردرگیش پاٹھک نے جسٹس سورن کانتا شرما کوہٹانے کی درخواست کی تھی، جوایکسائزکیس میں ٹرائل کورٹ کی بریت کوچیلنج کرنے والی سی بی آئی کی درخواست کی سماعت کررہے تھے۔ تاہم، جسٹس سورن کانتا شرما نے 20 اپریل کوکیس سے ان کی برطرفی کومسترد کردیا۔