بھارت ایکسپریس۔
مہاراشٹر میں مہا وکاس اگھاڑی میں سیٹ شیئرنگ فائنل مرحلے میں ہے۔ (فائل فوٹو)
MVA Press Conference on Seat Sharing Formula in Maharashtra: مہاراشٹرمیں اپوزیشن الائنس مہاوکاس اگھاڑی (ایم وی اے) میں شامل کانگریس، شیوسینا (یو بی ٹی) اورنیشنلسٹ کانگریس پارٹی (شرد پوارگروپ) کے درمیان سیٹ شیئرنگ پربات بن گئی ہے۔ ادھو ٹھاکرے کی پارٹی شیوسینا (یوبی ٹی) کل 48 سیٹوں میں سے سب سے زیادہ 21 سیٹوں پرالیکشن لڑے گی۔ وہیں کانگریس 17 اور شرد پوارکی پارٹی این سی پی 10 سیٹوں پرالیکشن لڑے گی۔
تینوں پارٹیوں کے سانگلی، بھیونڈی اور ممبئی نارتھ سیٹ پرٹکراو بنا ہوا تھا۔ حالانکہ اب تصویرصاف ہوگئی ہے۔ بھیونڈی سیٹ پراین سی پی (ایس سی پی) لڑے گی۔ الائنس معاہدے کے تحت سانگلی سیٹ شیوسینا (یوبی ٹی) اورممبئی نارتھ سیٹ کانگریس کے کھاتے میں گئی ہے۔
سیٹ شیئرنگ فارمولے کے اعلان کے لئے ایم وی اے نے پریس کانفرنس بلائی تھی۔ اس میں شیوسینا (یوبی ٹی) کے سربراہ ادھو ٹھاکرے، کانگریس کے ریاستی صدر نانا پٹولے اور این سی پی (ایس سی پی) کے سربراہ شرد پوارسمیت دیگرسینئرلیڈران موجود رہے۔
آپ کو بتادیں کہ لوک سبھا الیکشن کے لئے ادھو ٹھاکرے نے اب تک 21 امیدواروں کے ناموں کا پہلے ہی اعلان کردیا ہے۔ کچھ دن پہلے شیو سینا (یوبی ٹی) نے چارامیدواروں کی دوسری فہرست جاری کی تھی۔ اس سے پہلے انہوں نے 17 امیدواروں کی فہرست جاری کی تھی۔
بھارت ایکسپریس۔
ایسے میں 19 سالہ کارتک نے شکایت کرنے کے بجائے خود کچھ کرنے کا فیصلہ…
راگھو چڈھا نے حکومت کی جانب سے جاری کیے گئے نئے ٹیلی کام کنزیومر پروٹیکشن…
آشوتوش رنکا نے اپنی پوسٹ میں کہا تھا کہ پولیس نے انہیں مبینہ طور پر…
28 سے 30 ستمبر تک ہونے والی ہڑتال پانچ روزہ بینکنگ ہفتے سمیت کئی مطالبات…
لولی پروفیشنل یونیورسٹی کے باہر احتجاج نے اختیار کی پُرتشدد شکل، طلبہ نے نعرے بازی…
بھارت منڈپم میں منعقدہ افتتاحی تقریب میں مرکزی وزیر داخلہ امت شاہ نے اشوک سنگھل…