بھارت ایکسپریس۔
سورت اور اندور کے بعد کانگریس کو پُری میں بڑا جھٹکا لگا ہے اور امیدوار نے الیکشن لڑنے سے انکار کردیا ہے۔
لوک سبھا الیکشن کے درمیان کانگریس کوایک اوربڑا جھٹکا لگا ہے۔ مدھیہ پردیش کے اندورسے کانگریس امیدوار نے اپنا نام واپس لے لیا ہے۔ کانگریس نے یہاں اکشے کانتی بم کو امیدواربنایا تھا، لیکن اب انہوں نے کانگریس امیدوار کے طورپراپنا نام واپس لے لیا تھا۔ بتایا جاتا ہے کہ وہ بی جے پی میں شامل ہوگئے۔ بتایا جاتا ہے کہ اکشے کانتی بی جے پی رکن اسمبلی رمیش موندولاکے ساتھ نامزدگی فارم واپس لینے گئے تھے۔ پرچہ نامزدگی واپس لینے کے بعد کیلاش وجے ورگیہ نے ٹوئٹ کرکے کہا کہ اندورسے کانگریس کے لوک سبھا امیدواراکشے کانتی بم کا وزیراعظم مودی، بی جے پی کے قومی صدر جے پی نڈا، وزیراعلیٰ موہن یادو اور ریاستی صدر وی ڈی شرما کی قیادت میں بی جے پی میں استقبال ہے۔
قابل ذکرہے کہ اندورلوک سبھا سیٹ سے بی جے پی نے موجودہ رکن پارلیمنٹ سنکرلال وانی کو ٹکٹ دیا ہے۔ مدھیہ پردیش کے اندورسیٹ سے کانگریس کسی بڑے لیڈرکو الیکشن لڑانا چاہتی تھی۔ لیکن یہاں سے کوئی بڑا لیڈر تیارنہیں ہوا، جس کے بعد اکشے کانتی کو امیدواربنایا گیا تھا۔ اب اکشے کانتی نے کانگریس کو بڑا جھٹکا دیا ہے۔ بی جے پی کے سینئرلیڈر کیلاش وجے ورگیہ نے کہا ہے کہ اکشے کانتی کا بی جے پی میں خیرمقدم ہے۔
بھارت ایکسپریس۔
سی اے کیو ایم نے شہریوں سے جی آر اے پی کے پہلے اور دوسرے…
جرمنی میں ہندوستانی برادری کی موجودگی میں تیزی سے اضافہ ہو رہا ہے۔ سستی تعلیم،…
ممبئی کے ’مکتی آڈیٹوریم‘ میں منعقدہ تقریب کے دوران اداکار منوج باجپائی نے فلمی ستاروں…
فضائی آلودگی کے بڑھتے خطرے کے درمیان سپریم کورٹ نے 7 اور 8 نومبر کو…
وزیراعظم مودی نے ہندوستان میں شمسی توانائی کے آلات کی تیاری میں اضافے کا ذکر…
امت شاہ نے پارلیمانی کارروائی میں خلل ڈالنے کے معاملے پر بھی اپوزیشن کو نشانہ…