قومی

Cockroach Janta Party News: کاکروچ جنتا پارٹی نے سورین حکومت کی بڑھائی پریشانی، کردیا یہ بڑا اعلان

جھارکھنڈ کے دارالحکومت رانچی میں پیرکے روزطلبا پرہوئے لاٹھی چارج کے خلاف ’کاکروچ جنتا پارٹی‘ (سی جے پی) نے حکومت کے خلاف سخت ناراضی کا اظہارکیا ہے۔ جھارکھنڈ میں سی جے پی کے رکن روی پیٹرنے کہا کہ جس طرح طلبہ کوپیٹا گیا، وہ انتہائی قابل مذمت ہے۔ انہوں نے الزام لگایا کہ موجودہ حکومت ’گروجی‘ کے اصولوں سے بھٹک گئی ہے۔ روی پیٹرنے کہا کہ اب پارٹی جھارکھنڈ کے تمام 24 اضلاع میں طلبا کودوبارہ عوامی تحریک کے لئے متحد کرے گی اورحکومت کواقتدارسے ہٹانے کی کوشش کی جائے گی۔

عوامی تحریک کا خاکہ تیارکریں گے: روی پیٹر

روی پیٹرنے کہا کہ طلبا مسلسل بھوک ہڑتال کررہے ہیں اورحکومت کے نمائندوں سے ان کی ملاقاتیں بھی ہورہی ہیں، لیکن حکومت نے طلبا کے مطالبات پردوقدم آگے بڑھنے کی بھی کوشش نہیں کی۔ انہوں نے کہا کہ پورے جھارکھنڈ میں عوامی تحریک کا خاکہ تیارکیا جائے گا۔ مختلف مقامات پرطلبا کی جانب سے جاری بھوک ہڑتال بھی جاری رہے گی۔

’جمہوریت میں سیاست کے بغیرکچھ ممکن نہیں‘

سی جے پی کے رکن کملیش نے کہا کہ پیرکی شام تقریباً 7 بجے اچانک اندھیرے میں پولیس نے طلبا پرمبینہ طورپربے رحمی سے لاٹھی چارج کیا۔ انہوں نے کہا کہ یہ جمہوریت کی علامت نہیں ہے اوراس واقعہ سے ثابت ہوگیا ہے کہ حکومت آمرانہ اندازمیں کام کررہی ہے۔ کملیش نے کہا کہ وہ سیاسی زبان استعمال نہیں کرنا چاہتے تھے، لیکن اب ایسا کرنا پڑرہا ہے، کیونکہ جمہوریت میں سیاست کے بغیرکچھ بھی ممکن نہیں ہے۔ انہوں نے طلبا کے مطالبات کوجائزقراردیتے ہوئے کہا کہ ٹی ڈی پی ایل کمپنی کی جانب سے لئے گئے تمام امتحانات منسوخ کئے جائیں اورجے ایس ایس سی-سی جی ایل امتحان بھی منسوخ کیا جائے۔

’آپ عوام کے خادم ہیں، مالک نہیں‘

کملیش نے وزیراعلیٰ ہیمنت سورین کومخاطب کرتے ہوئے کہا کہ اگروہ وزیراعلیٰ سے مطالبہ نہیں کریں گے توکیا ڈونلڈ ٹرمپ یا شی جنپنگ کے پاس جائیں گے؟ کیا مطالبات لے کرشمالی کوریا کے کم جونگ اُن کے پاس جائیں؟ انہوں نے سوال کیا کہ کیا حکومت لاٹھی کے زورپرطلبا اورعوام کی آوازدبانے کی کوشش کرے گی؟ ایسا ممکن نہیں ہے۔ جمہوریت میں ہرشخص کو اپنی بات رکھنے کی آزادی ہے۔ کملیش نے کہا کہ حکومت کے پاس جتنا اختیارہے، اتنا ہی اختیارعوام کے پاس بھی ہے۔ اگرحکومت خود کوعوام کا مالک سمجھتی ہے تویہ اس کی غلط فہمی ہے۔ آپ عوام کے خادم ہیں، مالک نہیں۔

بھارت ایکسپریس اردو-

Nisar Ahmad

Recent Posts

Prime Minister Narendra Modi: اے آئی ہو یا کوئی نئی ٹیکنالوجی، ہنرمند شخص کی روزی روٹی کوئی نہیں چھین سکتا: وزیر اعظم مودی

وزیر اعظم نے کہا کہ ہنرمندی کے ذریعے لوگوں کو بااختیار بنانا اور ان کے…

41 minutes ago

Balendra Shah India Visit: نیپال کے وزیر اعظم بالیندر شاہ آج پہنچیں گے بھارت، پیر کو وزیر اعظم مودی کے ساتھ ہوگی اہم ملاقات

بھارتی وزارت خارجہ نے اپنے بیان میں کہا ہے کہ بھارت اور نیپال کے درمیان…

1 hour ago

Rajasthan Road Accident: راجستھان میں دو خوفناک سڑک حادثے، 12 افراد جاں بحق، ایک ہی خاندان کے 9 افراد کی موت

ابتدائی اطلاعات کے مطابق، حادثے کی ممکنہ وجہ ڈرائیور کو نیند کی جھپکی آنا بتائی…

2 hours ago

Delhi AQI Today: دہلی کی فضا میں گھلا زہر، کئی علاقوں میں سانس لینا دشوار، جانئے کہاں کتنا ہے اے کیو آئی

فی الحال دہلی-این سی آر میں گریڈیڈ رسپانس ایکشن پلان (جی آر اے پی) کے…

4 hours ago