China has been unable to encroach even a single inch: مودی حکومت میں چین ایک انچ بھی ہماری زمین پر قبضہ نہیں کرسکا:امت شاہ

آئندہ لوک سبھا انتخابات کے پیش نظر مرکزی وزیر داخلہ امت شاہ آسام کے دورے پر ہیں۔ انہوں نے منگل کو ریاست کے لکھیم پور میں ایک انتخابی ریلی سے خطاب کیا۔ اس دوران انہوں نے کہا کہ نریندر مودی کی حکومت میں چین بھارت کی ایک انچ زمین پر بھی قبضہ نہیں کر سکا۔ انہوں نے کہا کہ لوگ کبھی نہیں بھولیں گے کہ ملک کے پہلے وزیر اعظم جواہر لال نہرو نے 1962 میں چینی حملے کے دوران آسام اور اروناچل کو تنہا چھوڑ دیا تھا۔

‘چین ایک انچ بھی زمین پر قبضہ نہیں کر سکا’

شاہ نے کہا، جب چین نے حملہ کیا،لڑنے کے بجائے، جواہر لال نہرو نے آسام کو الوداع کہا تھا۔ آسام کوچھوڑ دیا تھا۔ لیکن نریندر مودی کی حکومت میں چین ملک کی ایک انچ زمین پر بھی قبضہ نہیں کر سکا۔ اس طرح کی حکمرانی نریندر مودی نے دی ہے۔ انہوں نے کہا کہ اروناچل اور آسام 1962 کو کبھی نہیں بھول سکتے۔ نریندر مودی کے دور میں، اس (چین) نے ڈوکلام میں کچھ ہمت کی… اسے 43 دن تک روکے رکھا اور نریندر مودی نے اسے واپس جانے پر مجبور کیا۔

‘کانگریس نے رام مندر کا معاملہ زیر التوا رکھا’

وزیر داخلہ نے کہا کہ مرکز میں بی جے پی کی قیادت والی حکومت نے بنگلہ دیش کے ساتھ ملک کی سرحد کو بھی محفوظ بنایا اور دراندازی کو روکا۔ انہوں نے مزید کہا کہ آنے والے دنوں میں آسام ملک کی دیگر ریاستوں کی طرح ایک ترقی یافتہ ریاست بن جائے گا۔ برسوں سے کانگریس پارٹی نے رام مندر کا مسئلہ التوا میں رکھا ہوا تھا۔ یہ فیصلہ وزیر اعظم مودی کے دور میں آیا تھا۔ بھومی پوجن ہوا اور آخرکار پران پرتسٹھا 22 جنوری کو ہوا۔

بھارت ایکسپریس۔