Pakistani Actor Rejected Bollywood Films: ‘عاشقی 2’ ہی نہیں ‘رام لیلا’ اور عامر خان کی بلاک بسٹر پی کے کو بھی مسترد کر دیا، پاکستانی اداکارعمران عباس کا بڑا دعویٰ

کئی پاکستانی ستارے بالی ووڈ فلموں میں اپنی صلاحیتوں کے جوہر دکھا چکے ہیں۔ اس میں فواد خان سے لے کر ماہرہ خان جیسے ستارے شامل ہیں۔ ان ستاروں کی ہندوستان میں بھی اچھی فین فالوونگ ہے۔ قابل ذکر بات یہ ہے کہ  اب ایک پاکستانی اداکار نے دعویٰ کیا ہے کہ انہوں نے  کئی سپرہٹ بالی ووڈ فلموں کو مسترد کردیا گیا ہے۔ وہ کوئی اور نہیں بلکہ عمران عباس ہیں۔

اگر ہم پاکستان کی انٹرٹینمنٹ انڈسٹری کے معروف اداکار عمران عباس کے ورک فرنٹ کی بات کریں تو وہ پاکستان کا ایک بڑا نام ہیں۔ خدا اور محبت ، محبت تم سے نفرت ہے، الوداع، امانت ، تمہار ے حسن کے نام  اور ‘کوئی چاند رکھ’ جیسے پاکستانی ٹی وی شوز  سے انہوں نے گھر گھر اپنی پہچان بنائی ہے ۔

بپاشا باسو کی فلم ‘کریچر’ سے بالی ووڈ میں ڈیبیو کرنے والے پاکستانی اداکار عمران عباس نے حال ہی میں ایک حیران کردینے والا  دعویٰ کیا ہے۔ ان کا کہنا ہے کہ انہیں بالی ووڈ کی کئی بڑی فلموں کی آفرز مل رہے تھے ، لیکن انہوں نے انہیں ٹھکرا دیا، جس میں سنجے لیلا بھنسالی کی سب سے زیادہ منتظر سیریز ‘ہیرامنڈی’ کا نام بھی شامل ہے، جو جلد ہی او ٹی ٹی پر ریلیز ہونے جا رہی ہے۔

ان بالی ووڈ فلموں کا حصہ رہے

‘کریچر تھری ڈی’ اداکار عمران عباس کو حال ہی میں اے آر وائی ڈیجیٹل کے شو ‘شان سحر ’میں دیکھا گیا۔ گفتگو کے دوران انہوں نے بتایا کہ انہیں بالی ووڈ کی کئی بڑی فلموں جیسے ‘عاشقی 2’، ‘پی کے’، ‘گزارش’، ‘رام لیلا’ اور سنجے لیلا بھنسالی کی ‘ہیرامنڈی’ میں رول کی پیشکش ہوئی، لیکن انہوں نے ان سب کو ٹھکرا دیا۔

ان فلموں کے لیے آفرز موصول ہوئی ہیں

عمران عباس نے یہ بھی انکشاف کیا کہ انہیں ‘پی کے’ میں سرفراز کے کردار کی پیشکش ہوئی تھی، جسے بعد میں آنجہانی بالی ووڈ اداکارسوشانت سنگھ راجپوت نے نبھایا تھا۔ لیکن انہوں نے اس کردار سے انکار کر دیا تھا۔ اس کے علاوہ انہیں ریتک روشن کی فلم ’گزارش‘ میں آدتیہ رائے کپور کے کردار کی پیشکش بھی کی گئی تھی، لیکن انہوں نے یہ کام کرنے سے بھی انکار کردیا۔ ساتھ ہی حال ہی میں انہیں سنجے لیلا بھنسالی کی سیریز ’ہیرامنڈی‘ کے لیے بھی پیشکش ہوئی تھی، لیکن وہ اس میں بھی کام نہیں کر پائیں گے۔

بھارت ایکسپریس