Chandrayaan Mission: مایوسی کے آنسو سے تاریخ رقم کرنے تک کا سفر، 4 سالوں میں چندریان-3 نے ایسے بدلی تصویر، وزیر اعظم مودی نے کہی یہ بڑی بات

ہندوستان نے چندریان-3 کی سافٹ لینڈنگ چاند کی سطح پرکرخلا کی دنیا میں ایک نئی جہت قائم کی ہے۔ سافٹ لینڈنگ کے ساتھ، ہندوستان ایسا کرنے والا دنیا کا چوتھا ملک بن گیا ہے جبکہ جنوبی قطب پر پہنچنے والا پہلا ملک بن گیا ہے۔ اسرو کے سائنسدانوں کو اس کامیابی پر دنیا بھر سے مبارکبادیں مل رہی ہیں۔ وزیر اعظم نریندرمودی نے جنوبی افریقہ سے اسروکے سربراہ کو فون کیا اوران کی پوری ٹیم کو مبارکباد دی، لیکن جب یہ سب کچھ ہو رہا تھا، لوگوں کے ذہنوں میں ایک اورتصویر ابھر رہی تھی۔ وہ تصویر 2019 کی تھی، جب چندریان-2 کا لینڈنگ کے وقت اسرو سے رابطہ ٹوٹ گیا تھا۔

 مشن ناکام ہونے پر جذباتی ہوگئے تھے کے سیون

لینڈنگ سے پہلے رابطہ منقطع ہونے کی وجہ سے اس وقت کے اسرو چیف کے شیون جذباتی ہوگئے، جس کے بعد خود وزیراعظم مودی نے اسرو چیف کے سیون کوگلے لگا کرتسلی دی۔ وزیراعظم مودی نے اس وقت بھی کہا تھا کہ سائنس میں ناکامی نام کی کوئی چیزنہیں ہے، لیکن ہرقدم پرایک نیا تجربہ ہوتا ہے۔ وزیراعظم مودی اورکے سیون کی ان تصویروں کو پورے ملک میں لوگوں نے بڑے پیمانے پرشیئرکیا۔ مشن کی ناکامی سے پورا ملک مایوس ہوگیا تھا۔

تاہم کہتے ہیں کہ حوصلے اورجذبے سے کسی بھی ہدف کو حاصل کیا جاسکتا ہے۔ گزشتہ چارسالوں میں اسرو کے سائنسدانوں نے بلند ارادوں اور کبھی نہ ٹوٹنے والے حوصلے کے ساتھ آگے بڑھتے رہے، جس کا انجام 23 اگست کو پوری دنیا نے دیکھا۔ ہندوستان نے خلا کی دنیا میں خود کوایک سپرپاورکے طور پرمنوا لیا ہے۔

یہ بھی پڑھیں:  ISRO Journey: کبھی سائیکل اور بیل گاڑی سے راکٹ ڈھونے والا اسرو، ایسے بنا اسپیس کا سپر پاور

وزیراعظم مودی نے ملک کو کیا خطاب

اس کامیابی پروزیراعظم نریندرمودی نے جنوبی افریقہ کے جوہانسبرگ سے ہندوستانی عوام کو خطاب کیا۔ وزیراعظم مودی نے اپنے خطاب میں کہا، جب ہم اپنی آنکھوں سے ایسی تاریخ کو بنتے ہوئے دیکھتے ہیں تو زندگی مالا مال ہوجاتی ہے۔ ایسے تاریخی واقعات قومی زندگی کا ابدی شعوربن جاتے ہیں۔ یہ لمحہ ناقابل یقین ہے۔ یہ لمحہ شاندار ہے، یہ لمحہ ترقی یافتہ ہندوستان کے شنگھائی کا ہے، مشکلات کے سمندرکو پارکرنے کا، فتح کے راستے پرچلنے کا ہے۔ یہ ملک کے 140 کروڑدلوں کی دھڑکنوں کی طاقت کے بارے میں ہے، یہ لمحہ ہندوستان کی ابھرتی ہوئی تقدیرکے بارے میں ہے۔