چنڈی گڑھ میں پلٹ گئی بازی، انڈیا الائنس کو بڑا جھٹکا، بی جے پی نے عام آدمی پارٹی-کانگریس کا ایسے کردیا کھیل

اپوزیشن کا الزام ہے کہ بیلٹ پیپرمیں چھیڑچھاڑکرنے اور8 ووٹوں کواِن ویلیڈ (غیرقانونی) کرنے کے بعد منوج سونکرالیکشن جیتے تھے۔ عام آدمی پارٹی کے تین کونسلروں پونم دیوی، گروچرن کالا اورنیہا مساوٹ نے بی جے پی کا دامن تھام لیا ہے۔ چنڈی گڑھ میں پارٹی کے قومی جنرل سکریٹری ونود تاؤڑے اورسابق ریاستی صدرارون سود کی موجودگی میں عام آدمی پارٹی کے کونسلروں کی بی جے پی میں شمولیت ہوئی۔ عام آدمی پارٹی کونسلروں کے بی جے پی میں شامل ہونے کے بعد بازی پلٹ گئی ہے۔ انڈیا الائنس کو بڑا جھٹکا لگا ہے، جس کے بعد بی جے پی کا میئربننا تقریباً طے ہوگیا ہے۔

بی جے پی میں شامل ہونے پرکونسلروں نے کیا کہا؟

بی جے پی میں شامل ہونے کے بعد گروچرن کالا نے کہا کہ میں بی جے پی کا تھا اوربی جے پی میں ہی رہوں گا۔ میں پی ایم مودی کے کاموں سے متاثرہوکرپارٹی میں شامل ہوا ہوں۔ وہیں، پونم دیوی کا بھی کہنا ہے کہ وہ پی ایم مودی کے کاموں سے متاثرہوکربی جے پی میں شامل ہوئی ہوں۔ انہوں نے عام آدمی پارٹی چھوڑ دی ہے کیونکہ یہ ایک فرضی پارٹی ہے۔ نیہا مساوت کا کہنا ہے کہ عام آدمی پارٹی نے ان سے جھوٹے وعدے کئے ہیں۔ وہ بھی وزیراعظم مودی کے کاموں سے متاثرہوکربی جے پی میں شامل ہوئی ہیں۔ بی جے پی لیڈر ونود تاؤڑے کا کہنا ہے کہ چنڈی گڑھ کے کونسلرپونم دیوی، نیہا مساوت اور گروچرن کالا عام آدمی پارٹی کے برتاؤ سے ناخوش ہے۔ بی جے پی انہیں عزت واحترام دے گی اوروہ چنڈی گڑھ کی ترقی میں مدد کریں گے۔

بی جے پی ہوگئی سب سے بڑی پاٹی

تینوں کے بی جے پی میں شامل ہونے کے بعد میونسپل کارپوریشن میں بی جے پی کونسلروں کی تعداد بڑھ کر17 ہوگئی ہے۔ بی جے پی کے پاس ایک ووٹ رکن پارلیمنٹ کا بھی ہے۔ میئرالیکشن کے دوران شرومنی اکالی دل کے واحد کونسلرنے بھی بی جے پی کو حمایت دی تھی، جس کے بعد اب بی جے پی کے پاس اب کل 19 ووٹ ہوچکے ہیں۔ عام آدمی پارٹی اورکانگریس الائنس کے بعد عام آدمی پارٹی کے پاس اب گھٹ کرصرف 17 ووٹ رہ گئے ہیں، جس میں عام آدمی پارٹی کے 10 اورکانگریس کے 7 ووٹ شامل ہیں۔ چنڈی گڑھ میئرالیکشن میں کل 35 کونسلرہیں، جبکہ ایک رکن پارلیمنٹ کا ووٹ ملاکر کل 36 ووٹ ڈالے جاتے ہیں اورانہیں 36 ووٹوں کے استعمال سے میئرکا الیکشن کیا جاتا ہے۔

بی جے پی میں شامل ہونے پرکیجریوال کا ترک