NEET پیپر لیک کیس
نئی دہلی: سی بی آئی ٹیم NEET پیپر لیک کیس کے سلسلے میں ایکشن موڈ میں ہے۔ یکے بعد دیگرے تیزی سے چھاپے مارے جا رہے ہیں۔ معاملے کی جانچ کے لیے ہفتہ کے روز سی بی آئی کی ٹیم گجرات کے مختلف مقامات پر چھاپے مارنے پہنچی۔
ذرائع کے مطابق سی بی آئی حکام نے گجرات کے گودھرا، کھیڑا، احمد آباد اور آنند میں کل سات مقامات پر چھاپے مارے ہیں۔ بتایا جا رہا ہے کہ پیپر لیک کیس کی تحقیقات کے دوران کچھ الیکٹرانک شواہد برآمد ہوئے ہیں۔ اس کے علاوہ گجرات میں مشتبہ افراد کی موجودگی کی بھی اطلاع ملی ہے۔
سی بی آئی نے اس معاملے میں جھارکھنڈ کے ہزاری باغ سے ایک صحافی جمال الدین کو بھی گرفتار کیا ہے۔ معلومات کے مطابق سی بی آئی حکام کو پیپر لیک میں اس کے ملوث ہونے کے ثبوت ملے ہیں۔
دراصل، بہار کے اقتصادی جرائم ونگ نے جانچ کے دوران اویسس اسکول کے پرنسپل اور وائس پرنسپل کے ملوث ہونے کی تصدیق کی تھی۔ اس کے بعد سی بی آئی کی ٹیم نے پرنسپل احسان الحق اور وائس پرنسپل امتیاز کو گرفتار کر لیا۔
پوچھ گچھ اور کال کی تفصیلات کی بنیاد پر انکشاف ہوا کہ صحافی جمال الدین پرنسپل اور وائس پرنسپل کے ساتھ مسلسل رابطے میں تھا۔ معلومات کے مطابق وہ پیپر لیک معاملے میں ان دونوں کی مدد کر رہا تھا۔
قابل ذکر ہے کہ NEET کیس کے دھاگے بہار، جھارکھنڈ، مہاراشٹر اور گجرات سے جڑے پائے گئے ہیں۔ کئی ملزمان کو گرفتار بھی کیا گیا ہے۔ ای او یو ٹیم کی رپورٹ کے بعد مرکزی حکومت نے اس معاملے کی جانچ سی بی آئی کو سونپ دی ہے، جس پر کارروائی جاری ہے۔
بھارت ایکسپریس۔
صدر جمہوریہ، نائب صدر ہند، پی ایم مودی ،امت شاہ ،راہل گاندھی ،اکھلیش یادو، پرینکا…
بتادیں کہ پی ایم مودی نے ہاتھرس میں پیش آنے والے واقعہ پر غم کا…
اب ایک مشہوراداکارہ نے اپنے ساتھ ہوئی کاسٹنگ کاؤچ سے متعلق بڑا انکشاف کیا ہے۔…
القادر ٹرسٹ معاملے میں عمران خان کی اہلیہ بشریٰ بی بی کو ضمانت مل گئی…
پی ایم مودی نے کہا کہ کرناٹک، یوپی اور راجستھان میں پچھلی بار کے مقابلے…
انجینئر رشید نے لوک سبھا رکن پارلیمنٹ کے طور پر حلف لینے کے لئے عبوری…