Bus Fire Accident: ایم ایس ایم کالج کے قریب بس میں لگی آگ ، قرب وجوار میں پھیلا دھواں

جنوبی ہندوستان کی ریاست کیرالہ میں قائم کلم میں ایم ایس ایم کالج کے قریب ایک مسافر بس میں آگ لگ گئی۔ دن کی روشنی میں بس میں آگ لگنے سے افراتفری مچ گئی۔ آگ نے کچھ ہی دیر میں پوری بس کو اپنی لپیٹ میں لے لیا۔ آگ لگنے سے بس کے پہیے جل گئے۔ واقعے کی تصاویر منظر عام پر آگئی ہیں۔

میڈیا رپورٹس کے مطابق آگ کیرالہ اسٹیٹ روڈ ٹرانسپورٹ کارپوریشن (KSRTC) کی بس میں لگی۔ حادثہ الپوزا کے قریب پیش آیا جو کہ ایک سیاحتی مقام ہے۔

یہاں اکثر سیاح آتے ہیں۔ تاہم حادثے کے وقت وہاں زیادہ بھیڑ نہیں تھی۔ فی الحال کسی جانی نقصان کی کوئی خبر نہیں ہے۔

نیوز ایجنسی اے این آئی نے اس واقعہ کی ویڈیو جاری کی ہے۔ یہاں تصویروں میں آپ دیکھ سکتے ہیں کہ کس طرح بس میں آگ لگ گئی۔ تاہم آگ بجھانے کے لیے فائر بریگیڈ کی گاڑیاں پہنچ گئی ہیں۔

بھارت ایکسپریس۔