Voter Adhikar Yatra: ’’بہار سے بی جے پی کا خاتمہ طے، چناؤ آیوگ بنا جگاڑ آیوگ…‘‘، ووٹر ادھیکار یاترا سے الیکشن کمیشن پر اکھلیش یادو کا بڑا حملہ

پٹنہ: سماج وادی پارٹی (ایس پی) کے سربراہ اکھلیش یادو اور راشٹریہ جنتا دل (آر جے ڈی) کے لیڈر تیجسوی یادو نے ’ووٹر ادھیکار یاترا‘ کے اسٹیج سے بی جے پی اور الیکشن کمیشن پر حملہ کیا ہے۔ اس دوران اکھلیش یادو نے تیجسوی کے کام کی تعریف کی اور بی جے پی کو انتخابات سے ختم کرنے کا دعویٰ کیا۔ اکھلیش یادو نے کہا، ’’میں تیجسوی یادو کو ’ووٹر ادھیکار یاترا‘ کے لیے مبارکباد دیتا ہوں۔ اس یاترا سے بہار کے لوگ یہ سمجھ میں آ رہا ہے کہ کیسے ان کے حقوق چھینے جا رہے ہیں۔ بہار کا پیغام پورے ملک میں جائے گا۔

’’روزگار کا پلاین نہیں، بی جے پی کا پلاین ہوگا‘‘

انہوں نے مزید کہا، ’’اس بار بہار میں ہم آہنگی کی جیت ہوگی۔ عوام مستقبل کی تعمیر کے لیے ووٹ دیں گے۔ تیجسوی یادو نے پہلے بھی کام کر کے دکھایا ہے۔ ایک وقت ایسا تھا جب ریکارڈ تعداد میں نوکریاں دی گئی تھیں۔ اب نوجوانوں کو امید ہے کہ تیجسوی پھر اقتدار میں آئیں گے تو انہیں روزگار ملے گا۔ اس بار روزگار کا پلاین نہیں، بی جے پی کا پلاین ہوگا۔

بی جے پی کی پالیسیوں پر اکھلیش یادو کا طنز

 بی جے پی کی پالیسیوں پر طنز کرتے ہوئے اکھلیش یادو نے کہا، ’’بی جے پی کے ایس آئی آر والے فیصلے سرفرے ہیں، یہ لوگ الیکشن کمیشن کے پیچھے چھپ کر الیکشن لڑنا چاہتے ہیں اور کمیشن کے اختیارات کا غلط استعمال کر رہے ہیں۔‘‘ انہوں نے کہا، ’’اب یہ چناؤ آیوگ نہیں، جوگاڑ آیوگ‘ بن گیا ہے۔ اتر پردیش میں ہم نے دیکھا ہے، بی جے پی کو 26 فیصد اور 36 فیصد ووٹ ملتے ہیں، لیکن ووٹنگ ہو جاتی ہے 77 فیصد۔ وردی پہنا کر اہلکاروں سے ووٹ ڈلوائے گئے۔ حکومت اور الیکشن کمیشن کی یہ تکڑی اب ختم ہو ہوگی۔‘‘

یہ بھی پڑھیں: ’’دو بھائی…ووٹ چوروں کی تباہی…‘‘، راہل گاندھی نے اکھلیش یادو کا ادا کیا شکریہ

بہار میں وزیر اعلیٰ کے چہرے کے بارے میں پوچھے جانے پر اکھلیش یادو نے صاف کہا کہ اس میں سوچنے کی کیا بات ہے، تیجسوی یادو نے کام کر کے دکھایا ہے۔

تیجسوی یادو نے بی جے پی پر کیا شدید حملہ

تیجسوی یادو نے بھی بی جے پی پر شدید حملہ کیا۔ انہوں نے کہا کہ اکھلیش یادو سمیت کئی لیڈران نے یاترا میں حصہ لیا ہے۔ آنے والے دنوں میں ملک کا بچہ بچہ بہار سے نکلے پیغام کو سمجھے گا۔ انہوں نے کہا کہ بی جے پی صرف افواہ پھیلانے میں ماہر ہے۔ اس بار بہار کے لوگ پوری طرح بیدار ہیں۔ بہار جمہوریت کی جنی ہے اور ہم جمہوریت کو ختم نہیں ہونے دیں گے۔ حکومت اور الیکشن کمیشن جو سازش کر رہے ہیں، اسے ہم کامیاب نہیں ہونے دیں گے۔

بھارت ایکسپریس۔