BJP Candidates 5th List: بی جے پی نے دیا اداکارہ کنگنا رناوت کو ٹکٹ، منڈی سے لڑیں گی لوک سبھا الیکشن

BJP Candidates 5th List: لوک سبھا انتخابات 2024 کی تاریخوں کے اعلان کے بعد بی جے پی نے امیدواروں کی پانچویں فہرست جاری کر دی ہے۔ اس فہرست میں 111 امیدواروں کے نام ہیں۔ بی جے پی نے بالی ووڈ اداکارہ کنگنا رناوت کو بھی ٹکٹ دیا ہے۔ کنگنا رناوت ہماچل پردیش کی منڈی لوک سبھا سیٹ سے الیکشن لڑیں گی۔ اداکارہ کنگنا رناوت اکثر خود کو وزیر اعظم نریندر مودی کی مداح کہتی ہیں۔

کنگنا نے پارٹی ہائی کمان کا شکریہ ادا کیا

لوک سبھا الیکشن سیٹ کے لیے ٹکٹ حاصل کرنے کے بعد اداکارہ کنگنا رناوت نے پارٹی ہائی کمان کا شکریہ ادا کیا۔ انہوں نے ایکس پر کہا کہ،” میرے پیارے بھارت اور بھارتیہ  عوام کی اپنی پارٹی، میں نے ہمیشہ بھارتیہ جنتا پارٹی (بی جے پی) کی غیر مشروط حمایت کی ہے۔ آج بی جے پی کی قومی قیادت نے مجھے میری جائے پیدائش، ہماچل پردیش، منڈی (حلقہ) سے اپنا لوک سبھا امیدوار قرار دیا ہے۔

منڈی لوک سبھا سیٹ سے ٹکٹ ملنے کے بعد اداکارہ کنگنا رناوت نے کہا، “میں ہائی کمان کے فیصلے پر عمل کرتی ہوں۔ میں باضابطہ طور پر پارٹی میں شامل ہونے کے لیے اعزاز اور پرجوش محسوس کر رہی ہوں۔ میں ایک قابل کارکن اور قابل بھروسہ عوامی ملازم بننے کی منتظر ہوں۔ ” شکریہ۔”

یہ بھی پڑھیں- JNU Election Result: جے این یو اسٹوڈنٹس یونین انتخابات میں اے بی وی پی کوشکست دے کر بائیں بازو نے صدر سمیت چار عہدوں پر حاصل کی کامیابی

بی جے پی نے ارون گوول کو بھی دیا ٹکٹ

اداکارہ کنگنا رناوت اور مقبول ٹی وی سیریل رامائن میں رام کا کردار ادا کرنے والے ارون گوول دونوں کے لیے یہ انتخابی ڈیبیو ہوگا۔ ارون گوول کو میرٹھ لوک سبھا سیٹ سے ٹکٹ دیا گیا ہے۔ کانگریس چھوڑ کر بی جے پی میں شامل ہونے والے نوین جندل کو ہریانہ کے کروکشیتر سے میدان میں اتارا گیا ہے۔

-بھارت ایکسپریس