جے ڈی یو کی نیشنل کونسل کی میٹنگ سے پہلے استعفیٰ دیں گے قومی صدر لالن سنگھ! بہار کی سیاست میں ہوسکتا بڑا الٹ پھیر

پٹنہ: بہار کے سیاسی گلیارے سے حیران کرنے والی خبرسامنے آئی ہے۔ جے ڈی یو کے قومی صدرراجیو رنجن سنگھ للن سنگھ استعفیٰ دے سکتے ہیں۔ کہا جا رہا ہے کہ 29 دسمبر کو پارٹی کی قومی کونسل کی میٹنگ ہونے والی ہے اور اس میٹنگ سے پہلے ہی للن سنگھ استعفیٰ دے سکتے ہیں۔ ذرائع کے مطابق، للن سنگھ نے وزیراعلیٰ نتیش کمار سے قومی صدرکے عہدے سے آزاد کئے جانے کی سفارش کی تھی۔ حالانکہ نتیش کمار نے ان سے لوک سبھا الیکشن تک پارٹی کا صدر بنے رہنے کی بات کہی تھی۔

خبرہے کہ جے ڈی یو کے قومی صدرللن سنگھ عہدہ چھوڑنے کے اپنے موقف پرقائم ہیں۔ ایسی صورتحال میں للن سنگھ کے استعفیٰ دینے کے بعد وزیراعلیٰ خود قومی صدر بن سکتے ہیں یا پھر اپنے کسی قابل اعتماد کو یہ عہدہ دے سکتے ہیں۔ سیاسی ماہرین کا کہنا ہے کہ نتیش کماراب للن سنگھ کی جگہ پربڑا قدم اٹھا سکتے ہیں۔ قیاس آرائی کی جا رہی ہے کہ انتہائی پسماندہ ذات سے تعلق رکھنے والے رام ناتھ ٹھاکریا دلت برادری سے اشوک چودھری کو قومی صدر بنایا جا سکتا ہے۔

نتیش کمار سے ناراضگی کی قیاس آرائی

واضح رہے کہ کئی دونوں سے سیاسی گلیاروں میں اس بات کی قیاس آرائی کی تھی جارہی تھی کہ نتیش کمار جے ڈی یو کے صدر للن سنگھ سے ناراض ہیں۔ حالانکہ اس پر پارٹی کی طرف سے کسی عہدیدار نے کچھ بھی نہیں کہا ہے۔ للن سنگھ سے متعلق جے ڈی یو کے رکن اسمبلی سنجیو سنگھ نے کہا تھا کہ صدرکا ہٹنا لگا رہتا ہے۔ یہ کوئی موضوع نہیں ہے۔