Arvind Kejriwal on Bihar Assembly Election 2025: بہار میں بھی الیکشن لڑے گی عام آدمی پارٹی، کیجریوال نے کردیا بڑا اعلان، انڈیا الائنس سے متعلق بڑی بات آئی سامنے

بہارمیں اسی سال کے آخرمیں ہونے والے اسمبلی الیکشن سے متعلق سیاسی پارٹیوں نے اپنی تیاریاں تیز کردی ہیں۔ سبھی پارٹیاں اپنی اپنی سطح پر کام میں مصروف ہوگئے ہیں۔ اس درمیان عام آدمی پارٹی کے کنوینر اروند کیجریوال نے بہار اسمبلی الیکشن سے متعلق بڑا اعلان کیا ہے۔ اروند کیجریوال نے واضح کردیا ہے کہ بہار کا الیکشن عام آدمی پارٹی اکیلے لڑنے جا رہی ہے۔

گجرات دورے پر گئے اروند کیجریوال نے پریس کانفرنس کرکے کہا کہ عام آدمی پارٹی بہار اسمبلی الیکشن لڑے گی۔ کیجریوال کے اس فیصلے سے واضح ہوگیا ہے کہ آنے والے دنوں میں انڈیا الائنس میں مزید ٹوٹ دیکھنے کو مل سکتی ہے۔ حالانکہ لوک سبھا الیکشن 2024 عام آدمی پارٹی نے انڈیا الائنس کے ساتھ مل کر لڑا تھا۔

لوک سبھا الیکشن کے بعد انڈیا الائنس میں اختلاف

اروند کیجریوال نے ساتھ ہی یہ بھی واضح کیا ہے کہ لوک سبھا الیکشن کے لئے وہ انڈیا الائنس کے ساتھ ہے، لیکن اسمبلی میں ہم الگ الیکشن لڑ رہے ہیں۔ دہلی اسمبلی الیکشن کے دوران عام آدمی پارٹی اور انڈیا الائنس کے درمیان تکرارہونی شروع ہوگئی ہے۔ یہ تکراراب بہارمیں ہونے والے اسمبلی الیکشن میں آرپارکی نظرآنے والی ہے۔ حالانہ عام آدمی پارٹی کے کنوینرپہلے ہی کہہ چکے ہیں کہ کانگریس بی جے پی کی ہی بی ٹیم ہے۔

سال کے آخرمیں ہوگا بہارمیں اسمبلی الیکشن