بھارت ایکسپریس فیملی سوگوار، سی ایم ڈی اپیندر رائے کے بڑے بھائی راجیش رائے کا انتقال، 27 اکتوبر کو ادا کی جائیں گی آخری رسومات

نئی دہلی: بھارت ایکسپریس نیوز نیٹ ورک کے سی ایم ڈی اور ایڈیٹر ان چیف اوپیندر رائے کے بڑے بھائی راجیش رائے کا انتقال ہو گیا ہے۔ ہفتہ کو دہلی میں دل کا دورہ پڑنے سے ان کا انتقال ہوگیا۔ انہوں نے دہلی کے مول چند اسپتال میں آخری سانس لی۔ ان کی آخری رسومات ان کے آبائی گاؤں شیرپور کلاں میں 27 اکتوبر کو ادا کی جائیں گی۔

دل کا دورہ پڑنے سے ہوا انتقال

راجیش رائے کچھ عرصے سے علیل تھے۔ ہفتہ کی صبح اچانک ان کی طبیعت زیادہ بگڑ گئی اور انہیں دل کا دورہ پڑا۔ ان کے انتقال کی خبر سے خاندان، دوستوں اور صحافتی دنیا میں گہرا غم پھیل گیا ہے۔

آبائی گاؤں میں آخری رسومات

راجیش رائے کا تعلق غازی پور ضلع کی محمدآباد تحصیل کے شیرپور کلاں گاؤں سے تھا۔ وہ طویل عرصے سے اپنے گاؤں میں مقیم تھے اور سماجی خدمت میں سرگرم کردار ادا کر رہے تھے۔ ان کی سادگی، انسانیت اور دردمند مزاج کی وجہ سے وہ مقامی لوگوں میں خاصے مقبول تھے۔ ان کے چاہنے والے اور خیرخواہ 27 اکتوبر کو شیرپور کلاں میں انہیں آخری وداعی دیں گے۔

سہارا انڈیا گروپ سے گہرا تعلق

راجیش رائے کا سہارا انڈیا گروپ سے بھی طویل اور مضبوط رشتہ رہا۔ انہوں نے اپنی زندگی سماجی تعاون اور دیہی ترقی کے لیے وقف کر دی تھی۔ ان کی اچانک موت سے بھارت ایکسپریس نیوز نیٹ ورک سمیت پورے میڈیا اور سماجی حلقے کو ناقابلِ تلافی نقصان پہنچا ہے۔ کئی سینئر صحافیوں، سماجی کارکنوں اور عوامی نمائندوں نے ان کے انتقال پر گہرے رنج و غم کا اظہار کیا ہے۔

بھارت ایکسپریس فیملی۔