Congress MP Abdul Khaleque Resigns: الیکشن سے پہلے کانگریس کو آسام میں بڑا جھٹکا، رکن پارلیمنٹ عبدالخلیق نے پارٹی سے دیا استعفیٰ

MP Abdul Khaleque Resigns from Congress: لوک سبھا الیکشن 2024 سے پہلے کانگریس کوجھٹکا لگا ہے۔ آسام کے برپیٹا سے پارٹی رکن پارلیمنٹ عبدالخلیق نے پارٹی نے چھوڑدی ہے۔ ایسا بتایا جا رہا ہے کہ ٹکٹ کٹنے کی وجہ سے انہوں نے یہ قدم اٹھایا ہے۔

عبدالخلیق ابھی بارپیٹا لوک سبھا سیٹ سے رکن پارلیمنٹ ہیں، لیکن پارٹی نے انہیں اس بارٹکٹ نہیں دیا ہے۔ ان کی جگہ آسام پردیش کانگریس سیوا دل کے صدر دیپ بیان کو یہ سیٹ دی گئی ہے۔ ٹکٹ کٹنے کے بعد سے ہی قیاس آرائی شروع ہوگئی تھی کہ عبدالخلیق پارٹی چھوڑسکتے ہیں۔ ٹکٹ کٹنے کے بعد عبدالخلیق نے کہا تھا کہ آسام میں کانگریس مسلم طبقے کا استحصال کر رہی ہے۔

12 امیدواروں کی فہرست جاری کرچکی ہے کانگریس

کانگریس پارٹی نے 12 مارچ کو آئندہ لوک سبھا الیکشن کے لئے آسام کے 12 امیدواروں کی فہرست جاری کی۔ پارٹی آسام میں 14 میں سے 13 سیٹوں پرالیکشن لڑ رہی ہے جبکہ ایک سیٹ اس نے اپنی اتحادی پارٹی آسام جاتیہ پریشد (اے جے پی) کو دی ہے۔ پارٹی رکن پارلیمنٹ گورو گوگوئی جورہاٹ سے الیکشن لڑیں گے جبکہ رکن پارلیمنٹ پردھوت بوردولوئی اپنی سیٹ نگاؤں سے الیکشن لڑیں گے۔ آسام جاتیہ پریشد کے صدرلورن جیوتی گوگوئی ڈبروگڑھ سے کانگریس کے ساتھ الائنس میں الیکشن لڑیں گے۔