قومی

Amit Shah pays tribute to Mangal Pandey: وزیر داخلہ امت شاہ نے منگل پانڈے کو پیش کیا خراجِ عقیدت، کہا-انھوں نے اڑا دی تھیں انگریزوں کی نیند

1857 کی جنگ آزادی کے ہیرو منگل پانڈے کی یومِ پیدائش پر مرکزی وزیر داخلہ امت شاہ نے انھیں خراجِ عقیدت پیش کرتے ہوئے ان کی قربانی کو نئی نسل کے لیے ترغیب اور جذبے کا ذریعہ قرار دیا۔ امت شاہ نے ہفتے کے روز سوشل میڈیا پلیٹ فارم ’ایکس‘ پر ایک پوسٹ میں منگل پانڈے کی بہادری، حب الوطنی اور قیادت کو خراج تحسین پیش کیا۔

وزیر داخلہ امت شاہ نے لکھا کہ’’1857 کی جنگ کے ہیرو، منفرد جنگ جو اور حب الوطنی کے جذبے سے سرشار منگل پانڈے جی کو ان کی یوم پیدائش پر خراج عقیدت۔ منگل پانڈے جی نے اپنی بہادری کی چنگاری سے 1857 کی جنگ کو ایک بڑے شعلے میں بدل کر برطانوی راج کی بنیادیں ہلا دیں۔ ان کی قیادت میں بیرک پور چھاؤنی تحریک آزادی کا مرکز بن گئی اور پورے ملک میں آزادی کی لہر دوڑ گئی جس سے انگریزوں کی نیندیں اڑ گئیں۔‘‘

انھوں نے مزید لکھا کہ ’’ ملک کے ہر نوجوان کو عظیم آزادی پسند جنگ جو منگل پانڈے جی کی زندگی سے مادر وطن کے تئیں لگن کی تحریک لینی چاہیے۔‘‘ واضح رہے کہ منگل پانڈے کو 1857 کے غدر کا پہلا سپاہی اور تحریک آزادی کا ابتدائی ستون تصور کیا جاتا ہے۔ ان کی قیادت میں 29 مارچ 1857 کو بیرک پور چھاؤنی میں انگریز فوجی افسران کے خلاف بغاوت کا آغاز ہوا تھا۔ یہ واقعہ وہ چنگاری ثابت ہوا جس نے برصغیر میں انگریزوں کے خلاف عوامی بغاوت کی ایک زبردست لہر پیدا کی۔

تاریخی شواہد کے مطابق منگل پانڈے نے برطانوی راج کی پالیسیوں، خاص طور پر مذہبی جذبات کو مجروح کرنے والے اقدامات کے خلاف آواز اٹھائی۔ کارتوسوں میں گائے اور سور کی چربی کے استعمال کے خلاف ان کی مزاحمت نے فوج میں موجود دیگر سپاہیوں کو بھی بغاوت پر اکسایا۔ منگل پانڈے کو 8 اپریل 1857 کو پھانسی دے دی گئی، لیکن ان کی شہادت رائیگاں نہ گئی۔ اس کے بعد بھارت بھر میں بغاوت پھوٹ پڑی، جو بعد میں ’’1857 کی جنگِ آزادی‘‘ کے نام سے تاریخ میں امر ہو گئی۔

بھارت ایکسپریس اردو

Bharat Express

Recent Posts

Inauguration of a new campus in Itanagar: این ڈی آر ایف کی 12ویں بٹالین کا کیمپس پورے شمال مشرقی خطے کے لیے حفاظتی مرکز ہوگا: امت شاہ

ایٹا نگر میں نئے کیمپس کا افتتاح، آٹھوں شمال مشرقی ریاستوں کی ایس ڈی آر…

8 minutes ago

PM Modi Lucknow Speech: ’آپریشن سندور‘ میں دشمنوں کی نیند اڑانے والا برہموس میزائل اب اتر پردیش میں تیار ہو رہا ہے: وزیر اعظم مودی

لکھنؤ میں ایک پروگرام سے خطاب کرتے ہوئے وزیر اعظم نریندر مودی نے کہا کہ…

10 minutes ago

Ayesha’s Salute Wins Over Kerala CM: عائشہ کے سیلوٹ نے کیرالہ کے وزیر اعلیٰ کا جیت لیا دل، دوبارہ ملاقات پر وی ڈی ستیشن نے ظاہر کی خوشی

عائشہ فاطمہ چیرانیلور کے الفاروقیہ ہائر سیکنڈری اسکول میں نویں جماعت کی طالبہ ہے۔ وی…

14 minutes ago

Nepal PM India Visit: نیپال کے وزیر اعظم بالیندر شاہ ہندوستان پہنچے، وزیر اعظم مودی سے ملاقات پر نظریں، کئی اہم امور پر ہو سکتی ہے بات چیت

دو روزہ سرکاری دورے پر نئی دہلی پہنچے نیپال کے وزیر اعظم، رابطہ کاری، تجارت،…

43 minutes ago

Fire at Indonesia’s Candy Factory: انڈونیشیا: کینڈی فیکٹری میں بھیانک آتشزدگی، 3 افراد ہلاک، 30 لاپتہ

حکام نے آگ لگنے کی وجہ کے بارے میں ابھی کوئی معلومات فراہم نہیں کی…

56 minutes ago