Maharashtra Election 2024: ‘کیا کوئی کانگریسی بالا صاحب کے اعزازمیں کہ سکتا ہے چند الفاظ ؟’ ادھو کو نشانہ بناتے ہوئے امت شاہ نے کہی یہ بات

نئی دہلی: بھارتیہ جنتا پارٹی نے اتوار (10 اکتوبر 2024) کو مہاراشٹر اسمبلی انتخابات کے لیے انتخابی منشور جاری کر دیا ہے۔ اس دوران ریلی سے خطاب کرتے ہوئے مرکزی وزیر داخلہ امت شاہ نے شیوسینا سربراہ ادھو ٹھاکرے کو سخت تنقید کا نشانہ بنایا۔ انہوں نے سوال کیا کہ کیا کانگریس کا کوئی لیڈر بالا صاحب ٹھاکرے کے اعزاز میں چند الفاظ کہہ سکتا ہے؟ انہوں نے طنز کرتے ہوئے کہا کہ ادھو ٹھاکرے ان لوگوں کی حمایت کر رہے ہیں جو بالا صاحب کی توہین کرتے ہیں۔

‘کانگریس لیڈروں نے بالا صاحب کی توہین کی’

وزیر داخلہ امت شاہ نے زور دے کر کہا کہ کانگریس لیڈران نے مسلسل بالاصاحب ٹھاکرے کی وراثت کی توہین کی ہے۔ امت شاہ  نے کہا، “میں ادھو ٹھاکرے جی سے پوچھنا چاہتا ہوں، کیا وہ کانگریس لیڈر راہل گاندھی سے ویر ساورکر کے لیے کچھ الفاظ کہنے کے لیے کہہ سکتے ہیں؟

بی جے پی لیڈر امت شاہ نے کہا کہ بی جے پی کا انتخابی منشور پتھر کی لکیر ہے۔ انہوں نے کہا، “چاہے مرکز ہو یا ریاست، جب ہماری حکومت بنتی ہے، ہم اپنی قراردادوں کو پورا کرتے ہیں۔ کانگریس اس کے زیر اقتدار ریاستوں میں قبل از انتخابات کے وعدوں سے پیچھے ہٹ گئی ہے اور مہا وکاس اگھاڑی پر اعتبار نہیں ہے۔

اس دوران وزیر داخلہ امت شاہ نے شرد پوار کو بھی نشانہ بنایا۔ انہوں نے سوال کیا، “شرد پوار کو مہاراشٹر کے لوگوں کو بتانا چاہئے کہ انہوں نے 10 سال تک یو پی اے حکومت میں وزیر رہتے ہوئے لوگوں کے لئے کیا کیا؟”

انہوں نے کہا، ”مہاراشٹر صدیوں سے ہر میدان میں ملک کی قیادت کر رہا ہے۔ بھکتی تحریک مہاراشٹر سے شروع ہوئی، غلامی سے آزادی کی تحریک بھی شیواجی مہاراج نے یہیں سے شروع کی، سماجی انقلاب بھی یہیں سے شروع ہوا اور مہاراشٹر کے لوگوں کی امنگیں ہمارے قرارداد خط میں جھلکتی ہیں۔