سنبھل مسجد میں نمازیوں کی تعداد محدود کرنے کے فیصلے کو الہ آباد ہائی کورٹ نے کیا منسوخ، ایس پی-ڈی ایم کو سخت پھٹکار، ’’لا اینڈ آرڈر نہیں سنبھال سکتے تو استعفیٰ دے دیں‘‘

الہ آباد ہائی کورٹ نے سنبھل مسجد میں نمازیوں کی تعداد کومحدود کرنے کے اترپردیش انتظامیہ کے فیصلے کومسترد کردیا ہے۔ عدالت نے کہا کہ اگراہلکارامن وامان برقرارنہیں رکھ سکتے تومستعفی ہوجائیں۔ عدالت نے ریاست کے فرض پرزوردیا کہ وہ ہرکمیونٹی کے اپنی عبادت گاہ پرپرامن طریقے سے عبادت کرنے کے حق کویقینی بنائے، خاص طورپراگریہ نجی ملکیت ہو۔
جسٹس اتل شری دھراورسدھارتھ نندن کی بنچ نے کہا کہ اگرسپرنٹنڈنٹ آف پولیس (ایس پی) اورضلع کلکٹرامن وامان برقراررکھنے میں ناکام ہیں توانہیں یا تواستعفیٰ دے دینا چاہئے یا تبادلے کی درخواست کرنی چاہئے، بجائے اس کے کہ وہ قانون کونافذ کرنے میں قاصرہوں۔

جسٹس اتل سریدھرن اورسدھارتھ نندن کی بنچ نے کہا کہ اگرسپرنٹنڈنٹ آف پولیس (ایس پی) اورضلع کلکٹرامن وامان برقراررکھنے میں ناکام ہیں، توانہیں یا تواستعفیٰ دے دینا چاہئے یا تبادلے کی درخواست کرنی چاہئے، بجائے اس کے کہ وہ عدالت سے راحت مانگے۔ اگروہ لااینڈ آرڈرپرعمل کرانے میں قاصرہیں۔

عدالت نے مقامی انتظامیہ کولگائی پھٹکار

عدالت نے سخت لہجے میں کہا کہ یہ ریاست کا فرض ہے کہ وہ اس بات کویقینی بنائے کہ ہربرادری متعین عبادت گاہ پرپُرامن طریقے سے عبادت کرسکے اوراگریہ نجی ملکیت ہے، جیسا کہ عدالت پہلے ہی کہہ چکی ہے، توریاست کی اجازت کے بغیرعبادت کرنے کا حق ہونا چاہئے۔ پولیس افسران کے ساتھ ساتھ انتظامیہ نے عدالت کوبتایا تھا کہ زیادہ بھیڑہونے سے لااینڈ آرڈرنہیں بنائی جاسکتی ہے۔ یہی وجہ ہے کہ عید پروہاں محدود تعداد میں نمازپڑھنے کی اجازت دی جائے۔ حالانکہ عدالت نے انتظامیہ کے اس ترک کوازسرنوخارج کردیا۔