Akhilesh Yadav Ghazipur Visit: مختار انصاری کے آبائی گھر پہنچے اکھلیش یادو، پیش کیا خراج عقیدت، غازی پور آنے کی یہ ہے خاص وجہ

Akhilesh Yadav Ghazipur Visit: مختار انصاری کی موت کے بعد کئی بڑے لیڈروں کے غازی پور آنے کا سلسلہ جاری ہے۔ اسی سلسلے میں سماج وادی پارٹی کے سربراہ اکھلیش یادو اتوار کو اتر پردیش میں مختار انصاری کی موت کے بعد اب ان کے آبائی گھر غازی پور پہنچے ہیں۔ اتوار کو سماج وادی پارٹی کے صدر اور یوپی کے سابق وزیر اعلی اکھلیش یادو مختار کے اہل خانہ سے ملنے غازی پور پہنچے۔ اور اس دوران انہوں نے انصاری خاندان کے گھر ان کے اہل خانہ سے ملاقات کی۔ ذرائع نے بتایا کہ اکھلیش نے مختار انصاری کو خراج عقیدت پیش کی ہے۔ مختار انصاری کا انتقال 28 مارچ کو دل کا دورہ پڑنے سے ہوا۔ ایس پی ترجمان فخر الحسن چاند نے کہا کہ ایس پی غازی پور امیدوار افضال انصاری کے بھائی کی جس طرح سے موت ہوئی اس کے بعد ایس پی صدر خاندان کو تسلی دینے آئے  ہیں، جو ہر دکھ اور خوشی میں ملک کی عوام کے ساتھ کھڑے رہتے ہیں۔

دھرمیندر یادو بھی کر چکے ہیں ان کے اہل خانہ سے ملاقات

آپ کو بتا دیں کہ ایس پی نے مختار کے بڑے بھائی بی ایس پی کے ایم پی افضال انصاری کو  غازی پور سے اپنا امیدوار بنایا ہے۔ حال ہی میں ایس پی لیڈر دھرمیندر یادو نے بھی انصاری خاندان کے گھر پہنچ کر تعزیت کا اظہار کیا تھا اور میڈیا سے کہا تھا کہ جلد ہی اکھلیش یادو بھی مختار کے اہل خانہ سے ملنے اور تعزیت کرنے آئیں گے۔

یہ بھی پڑھیں- Lok Sabha Election 2024: مرادآباد، رام پور اور میرٹھ کے بعد اب لکھنؤ میں بھی سماجودای پارٹی بدلے گی امیدوار! اس لیڈر کو ٹکٹ مل سکتا ہے

باندہ جیل میں تھے مختار انصاری

اتر پردیش کے ایک بڑے لیڈر اور سابق ایم ایل اے مختار انصاری کا جمعرات کو انتقال ہوگیا تھا۔ باندہ جیل میں ان کی طبیعت اچانک بگڑ گئی جس کے بعد انہیں علاج کے لیے میڈیکل کالج لے جایا گیا۔ یہاں تقریباً ایک گھنٹے کے علاج کے بعد ڈاکٹروں نے انہیں مردہ قرار دے دیا۔ مختار انصاری کی موت کے بعد ریاست بھر کی پولیس الرٹ موڈ میں آگئی ہے۔ مختار انصاری کے خلاف 61 مقدمات درج کیے گئے۔ ان میں قتل، اقدام قتل، اغوا، دھوکہ دہی، گونڈا ایکٹ، آرمس ایکٹ، گینگسٹر ایکٹ، سی ایل اے ایکٹ اور این ایس اے شامل ہیں۔ ان میں سے 8 مقدمات میں انہیں سزا سنائی گئی تھی۔

-بھارت ایکسپریس