سماجوادی پارٹی کے سربراہ اکھلیش یادو۔ (فائل فوٹو)
لوک سبھا انتخابات 2024 کے لیے پانچویں مرحلے کی ووٹنگ 20 مئی کو ہونے جا رہی ہے۔ اس مرحلے میں رائے بریلی میں بھی ووٹنگ ہونی ہے جو ملک کی سب سے مشہور سیٹوں میں سے ایک ہے۔ کانگریس کے سابق صدر راہل گاندھی اس سیٹ سے الیکشن لڑ رہے ہیں۔ آج جمعہ (17 مئی) کوانڈیا اتحاد نے رائے بریلی میں طاقت کا مظاہرہ کیا اور راہل گاندھی کے لیے ووٹ مانگے۔
اسی سلسلے میں سماج وادی پارٹی کے سربراہ اکھلیش یادو بھی راہل گاندھی کی حمایت میں رائے بریلی پہنچ گئے اور وزیر اعظم نریندر مودی کا نام لیے بغیر ان کو نشانہ بنایا۔ انہوں نے کہا کہ بھارتیہ جنتا پارٹی (بی جے پی) کے لوگ بہت گھبرائے ہوئے ہیں۔ جب سے بی جے پی والوں نے سنا ہے کہ انڈیا اتحاد غریبوں کے لیے کام کرنے والا ہے، انہوں نے راہل گاندھی کے ‘کھٹا کھٹ، کھٹاکھٹ’ نعرے کی نقل کرنا شروع کر دی ہے۔
ایس پی سربراہ نے کہا، “وہ کہتے ہیں کہ الیکشن کے بعد ہم بیرون ملک چلے جائیں گے، لیکن ملک کے لوگ جانتے ہیں کہ انہوں نے اپنے کچھ اہم لوگوں کو یکے بعد دیگرے بیرون ملک بھگا دیاہے ۔ اس کے لوگ یکے بعد دیگرے بیرون ملک فرار ہوچکے ہیں۔اکھلیش یادو نے رائے بریلی میں کہا، “جو لوگ ملک کو بڑا بنانے کا خواب دیکھ رہے تھے، انہوں نے ملک کو قرضوں میں ڈبو دیا، جو کہتے تھے، ‘نہ کھائیں گے، نہ کھانے دیں گے’، وہ سب ڈکار گئے، اسی لیے آج عوام ان سے ناراض ہے۔اور وہ کہہ رہی ہے، ہم آپ کو ہٹا دیں گے –پھٹاپھٹ، پھٹا پھٹ۔
بھارت ایکسپریس۔
صدر جمہوریہ، نائب صدر ہند، پی ایم مودی ،امت شاہ ،راہل گاندھی ،اکھلیش یادو، پرینکا…
بتادیں کہ پی ایم مودی نے ہاتھرس میں پیش آنے والے واقعہ پر غم کا…
اب ایک مشہوراداکارہ نے اپنے ساتھ ہوئی کاسٹنگ کاؤچ سے متعلق بڑا انکشاف کیا ہے۔…
القادر ٹرسٹ معاملے میں عمران خان کی اہلیہ بشریٰ بی بی کو ضمانت مل گئی…
پی ایم مودی نے کہا کہ کرناٹک، یوپی اور راجستھان میں پچھلی بار کے مقابلے…
انجینئر رشید نے لوک سبھا رکن پارلیمنٹ کے طور پر حلف لینے کے لئے عبوری…