Maharashtra Assembly Elections 2024: مہاراشٹر میں سیٹوں کی تقسیم پرپھرسے ہوگی این ڈی اے کی میٹنگ، نائب وزیراعلیٰ اجیت پوار نے کہی یہ بڑی بات

دراصل، مہاراشٹرمیں اسی سال اسمبلی الیکشن ہونے والے ہیں۔ اس سے پہلے سیٹوں کی تقسیم سے متعلق کافی رسہ کشی کا دور بھی جاری ہے۔ وہیں سیٹوں کی تقسیم سے متعلق میٹنگیں بھی ہو رہی ہیں۔ اس درمیان این سی پی سربراہ اورمہاراشٹرکے نائب وزیراعلیٰ اجیت پوارسے سیٹوں کی تقسیم سے متعلق سوال کیا گیا۔ اس پرانہوں نے کہا، “سیٹوں کی تقسیم پرہماری پہلے دورکی بحث ہوئی تھی۔ ہم دوسری بارپھر بیٹھیں گے اورطے کریں گے کہ 288 سیٹوں میں سے کسے کون سی سیٹ ملے گی۔ ہم بحث کریں گے اور فیصلہ کریں گے۔ اس پرسیٹوں کی تقسیم کے لئے اہلیت کے متبادل معیارہوں گے۔

 شیو سینا لیڈر کے بیان پر کوئی تبصرہ نہیں

وہیں، مہاراشٹرکے وزیراورشیوسینا لیڈرتانا جی ساونت کے این سی پی لیڈران پردیئے گئے مبینہ بیان سے متعلق بھی اجیت پوارسے سوال کیا گیا۔ اس پرمہاراشٹرکے نائب وزیراعلیٰ اوراین سی پی سربراہ اجیت پوارنے کہا کہ اگرکسی نے کچھ کہا ہے تومیں اس پرتبصرہ نہیں کرنا چاہتا۔ میں نے شروعات میں ہی فیصلہ کرلیا ہے۔ میں کسی پرتبصرہ نہیں کروں گا، اگرکوئی میری تنقید کرتا ہے تومجھے کوئی فرق نہیں پڑتا۔ میں کام کرنے میں یقین رکھتا ہوں۔

قابل ذکرہے کہ مہاراشٹرمیں وزیراعلیٰ ایکناتھ شندے کی قیادت میں مہایتی (این ڈی اے) کی حکومت ہے۔ شیوسینا (شندے گروپ)، بی جے پی اوراجیت پوارکی قیادت والی این سی پی اس حکومت میں شامل ہیں۔ ایکناتھ شندے وزیراعلیٰ کے عہدے پرفائزہیں تووہیں دیویندرفڑنویس اور اجیت پوارنائب وزیراعلیٰ ہیں۔ لیکن وقتاً فوقتاً ایسی بیان بازی ہوتی ہے، جس سے ایسا لگتا ہے کہ کبھی بھی یہ الائنس ٹوٹ سکتا ہے۔ خاص طورپرکبھی بی جے پی توکبھی شیوسینا کے لیڈران اجیت پورا کی این سی پی کے خلاف بیان دیتے ہیں، جس سے این سی پی لیڈران میں ناراضگی کی صورتحال دیکھنے کو ملتی ہے۔