Haryana Elections: ہریانہ میں انتخابات سے قبل بی جےکو پی بڑا جھٹکا،اشوک تنور کی کانگریس میں واپسی، کماری شیلجا کے خلاف لڑ چکے ہیں انتخاب

ہریانہ اسمبلی انتخابات 2024 سےقبل  بھارتیہ جنتا پارٹی  کو بڑا جھٹکا لگا ہے۔ سرسا کے سابق رکن پارلیمنٹ اشوک تنور دوبارہ کانگریس پارٹی میں شامل ہو گئے ہیں۔ تنور نے جمعرات (03 اکتوبر) کو مہندر گڑھ میں ایک انتخابی ریلی کے دوران سینئر کانگریس لیڈر راہل گاندھی اور بھوپیندر سنگھ ہڈا کی موجودگی میں کانگریس میں شمولیت اختیار کی۔ اس سے قبل وہ بی جے پی لیڈر تھے۔

جمعرات (3 اکتوبر 2024) کو انتخابی مہم کے آخری دن مہندر گڑھ میں راہل گاندھی کی موجودگی میں وہ کانگریس کا حصہ بنے۔ سب سے دلچسپ بات یہ ہے کہ یہ وہی اشوک تنور ہیں جنہوں نے بی جے پی سے (لوک سبھا انتخابات میں سرسا سیٹ سے) کانگریس کی دلت لیڈر کماری شیلجا کے خلاف مقابلہ کیا تھا۔ اس سے اندازہ لگایا جا سکتا ہے کہ کماری شیلجا کو اشوک تنور کی گھر واپسی(کانگریس میں دوبارہ شمولیت) کی اطلاع دی گئی ہو گی اور ان کی رضامندی بھی لی گئی ہو گی۔ اشوک تنور ہریانہ کانگریس کے صدر رہ چکے ہیں اور انہوں نے 2019 میں پارٹی سے استعفیٰ دے دیا تھا۔

کانگریس نے کیا کہا؟

“کانگریس نے ہمیشہ سماج کے مظلوم اور محروم طبقوں کے لیے آواز اٹھائی ہے۔ ہماری جدوجہد اور لگن سے متاثر ہو کر، بی جے پی کے سینئر لیڈر، سابق ممبران پارلیمنٹ، بی جے پی کی مہم کمیٹی کے ممبران اور اسٹار کمپینر اشوک تنور نے کانگریس میں شمولیت اختیار کی۔”

اس کے بعد، وہ نومبر 2021 میں ترنمول کانگریس میں شامل ہوئے اور پھر اپریل 2022 میں عام آدمی پارٹی  میں بھی شامل ہوئے۔ اس سال کے شروع میں، انہوں نے بھارتیہ جنتا پارٹی (بی جے پی) میں شمولیت اختیار کی اور وزیر اعظم نریندر مودی کے دور حکومت میں ملک کی قیادت اور تبدیلی کی تعریف کی۔

بی جے پی سے دوبارہ کانگریس میں شامل ہوئے۔

تنور نے جند ضلع کے صفی دون میں بی جے پی امیدوار کے لیے مہم چلانے کے چند گھنٹے بعد کانگریس میں شمولیت اختیار کی۔ جب راہل گاندھی اپنی تقریر ختم کر رہے تھے تو اسٹیج سے ایک اعلان ہوا جس میں لوگوں کو چند منٹ انتظار کرنے کو کہا گیا۔ کچھ ہی دیر بعد تنور سٹیج پر آئے اور اعلان کیا کہ “آج ان کی گھر واپسی ہے۔”

ہریانہ کانگریس کے سابق صدر تنور نے راہل گاندھی سے مصافحہ کیا اور بھوپندر سنگھ ہڈا کا استقبال کیا۔ اس کے بعد ہڈا نے پارٹی میں ان کا استقبال کیا اور پیٹھ پر تھپکی دی۔

اشوک تنور کا سیاسی سفر

2009 کے لوک سبھا انتخابات میں، انہوں نے سرسا (ایس سی ) سے آئی این ایل ڈی امیدوار سیتا رام کو 35,499 ووٹوں سے شکست دی۔ تاہم، 2014 کے بعد کے انتخابات میں انہیں آئی این ایل ڈی  کے چرنجیت سنگھ روری نے 1.15 لاکھ ووٹوں سے شکست دی تھی۔ 2019 میں بھی انہیں شکست کا سامنا کرنا پڑا جب وہ بی جے پی کی سنیتا ڈگل سے 3 لاکھ سے زیادہ ووٹوں سے ہار گئے۔ تنور کی کانگریس میں واپسی سے ہریانہ میں آئندہ اسمبلی انتخابات سے قبل پارٹی کی پوزیشن مضبوط ہونے کی امید ہے۔

بھارت ایکسپریس۔