نیشنلسٹ کانگریس پارٹی (این سی پی) نے بدھ (12 جون) کو پارٹی سربراہ اور مہاراشٹر کے نائب وزیر اعلیٰ اجیت پوار کی اہلیہ سنیترا پوار کو 25 جون کو ہونے والے راجیہ سبھا ضمنی انتخاب کے لیے نامزد کرنے کا فیصلہ کیا۔ اجیت پوار کی جانب سے ممبئی میں ان کی سرکاری رہائش گاہ پر پارٹی وزراء کے ساتھ بلائی گئی میٹنگ میں سنیترا پوار کے نام کو حتمی شکل دی گئی۔
سنیترا پوار بارامتی سے اپنی بھابھی اور این سی پی (ایس پی) سربراہ شرد پوار کی بیٹی سپریہ سولے سے حال ہی میں ختم ہونے والے لوک سبھا انتخابات میں ہار گئی تھیں۔ سنیترا پوار جمعرات کو یعنی آج اپنا پرچہ نامزدگی داخل کریں گی۔ ان کی نامزدگی کے ساتھ ہی اجیت پوار نے کارکنوں کو ہدایت دی کہ رواں برس اکتوبر میں ہونے والے آئندہ اسمبلی انتخابات سے قبل پارٹی کو مستحکم کرنے کی ہر ممکن کو شش کریں ۔
پارٹی کا یہ قدم اسمبلی انتخابات سے قبل بارامتی میں این سی پی سربراہ شرد پوار اور ان کی پارٹی کی رکن پارلیمنٹ سپریا سولے کو شکست دینے کے مقصد سے اٹھایا گیا ہے۔ اسمبلی انتخابات میں اجیت پوار بارامتی سے الیکشن لڑ سکتے ہیں۔ وہیں این سی پی (ایس پی) اپنے بھتیجے یوگیندر پوار کو این سی پی سربراہ کے خلاف کھڑا کر رہی ہے۔
وزیر چھگن بھجبل نے کیا کہا؟
بدھ کی میٹنگ میں، این سی پی کے ورکنگ صدر پرفل پٹیل نے سنیترا پوار کا نام تجویز کیا اور وزراء سے اپنے خیالات کا اظہار کرنے کو کہا۔ وزیر زراعت دھننجے منڈے نے پرفل پٹیل کی تجویز کی حمایت کی ۔
تاہم، این سی پی کے سینئر وزیر چھگن بھجبل جو راجیہ سبھا کے لیے نامزدگی کے لیے تیار تھے۔ انہوں نے کہا کہ انہیں سنیترا پوار کی نامزدگی پر کوئی اعتراض نہیں ہے لیکن ان کے نام کی سفارش کے لیے پارلیمانی بورڈ کا اجلاس کیوں نہیں بلایا گیا؟
بھارت ایکسپریس۔
اداکار کے کے مینن آنے والی اسٹریمنگ سیریز ’سیٹاڈیل: ہنی بنی‘ میں نظر آئیں گے،…
نیوزی لینڈ کے خلاف تیسرے ٹسٹ میچ کی پہلی اننگ میں سرفراز خان کچھ خاص…
پورنیہ کے ایس پی کارتیکیہ شرما نے گرفتار ملزم کے بارے میں مزید کہا کہ…
کانگریس صدر ملیکا ارجن کھڑگے نے کرناٹک میں وزیراعلیٰ سدارمیا اورنائب وزیراعلیٰ ڈی کے شیوکمارکے…
اس سے قبل 15 اکتوبر کو مغربی جکارتہ میں درجنوں گھروں میں آگ لگنے سے…
ہردیپ سنگھ پوری نے کہا کہ پی ایم نریندر مودی کی قیادت میں، ہندوستان میں…