دہلی میں آسمان ہوا ابر آلود تو خوش ہوئے لوگ، جانئے کب آئے گا مانسون
Monsoon 2024: دہلی، پنجاب، اتر پردیش اور ہریانہ سمیت ملک کی بیشتر ریاستوں میں شدید گرمی جاری ہے۔ گرمی سے دوچار شمالی ہندوستان اور وسطی ہندوستان کو جنوب مغربی مانسون کا انتظار ہے۔ دریں اثنا، ہندوستان کے محکمہ موسمیات (آئی ایم ڈی) نے کہا کہ مانسون اگلے تین سے چار دنوں کے دوران اڈیشہ، ساحلی آندھرا پردیش اور شمال مغربی خلیج بنگال تک پہنچ سکتا ہے۔ محکمہ موسمیات کے مطابق مانسون 16-18 جون تک بہار اور جھارکھنڈ، 20-30 جون تک اتر پردیش اور 27 جون کے آس پاس دہلی پہنچنے کی توقع ہے، جو قومی دارالحکومت کے لیے معمول کی شروعات کی تاریخ ہے۔
کہاں کیسا رہا موسم؟
اتراکھنڈ، ہماچل پردیش، پنجاب، جھارکھنڈ اور مغربی بنگال کے گنگا کے میدانی علاقوں میں بھی شدید گرمی کی صورتحال دیکھی گئی ہے۔ مغربی جھارکھنڈ، جنوبی اتر پردیش، ہریانہ، چنڈی گڑھ-دہلی، پنجاب، شمالی راجستھان کے کچھ حصوں میں زیادہ سے زیادہ درجہ حرارت 45-47 ڈگری سیلسیس کے درمیان رہا۔ اتر پردیش کے کانپور میں سب سے زیادہ 47.5 ڈگری درجہ حرارت ریکارڈ کیا گیا۔
اہلکار نے کہا، ’’خلیج بنگال میں مانسون کمزور ہے اور وہاں سے آگے بڑھنے کا انتظار ہے۔‘‘ بدھ (12 جون) کو پنجاب، ہریانہ، چنڈی گڑھ، دہلی، اتر پردیش، جھارکھنڈ کے بیشتر حصوں، شمالی راجستھان کے کئی حصوں، ہماچل پردیش کے کچھ حصوں، جنوبی بہار، شمالی اڈیشہ اور مغربی بنگال میں گنگا کے ساحلی علاقوں میں شدید گرمی پڑی۔
دہلی اور یوپی میں کیسا رہے گا موسم؟
ارتھ سائنسز کے سابق سکریٹری مادھون راجیون نے کہا کہ معمول کی پیش رفت کے بعد مانسون کی ترتیب میں خلل پڑ رہا ہے۔ راجیون نے سوشل میڈیا پلیٹ فارم X پر کہا، “اگلے 8-10 دنوں میں زیادہ پیش رفت کی توقع نہیں ہے، لہذا شمالی ہندوستان میں اس کی شروعات میں تاخیر ہو سکتی ہے۔ اس کی وجہ سے دہلی، اتر پردیش اور بہار سمیت شمالی ہندوستان میں شدید درجہ حرارت اور گرمی کی لہر کا امکان ہے۔
شمالی ہندوستان میں گرمی کیوں ہے؟
ماہرین موسمیات کا کہنا ہے کہ شمال مغرب سے آنے والی گرم ہوائیں خلیج بنگال پر کمزور مانسون پر حاوی ہیں۔ گرم موسم وسطی اور شمالی ہندوستان کے کچھ حصوں میں حالات کو خراب کر رہا ہے۔
-بھارت ایکسپریس
بتادیں کہ پی ایم مودی نے ہاتھرس میں پیش آنے والے واقعہ پر غم کا…
اب ایک مشہوراداکارہ نے اپنے ساتھ ہوئی کاسٹنگ کاؤچ سے متعلق بڑا انکشاف کیا ہے۔…
القادر ٹرسٹ معاملے میں عمران خان کی اہلیہ بشریٰ بی بی کو ضمانت مل گئی…
پی ایم مودی نے کہا کہ کرناٹک، یوپی اور راجستھان میں پچھلی بار کے مقابلے…
انجینئر رشید نے لوک سبھا رکن پارلیمنٹ کے طور پر حلف لینے کے لئے عبوری…
پی ایم مودی نے راہل گاندھی پر براہ راست حملہ کرتے ہوئے کہا کہ یہ…