Adani Group will invest Rs 50 thousand crore in Assam: اڈانی گروپ آسام میں 50 ہزار کروڑ روپے کی سرمایہ کاری کرے گا،ایٹمی توانائی، ہوائی اڈے، سڑک، گیس اور سیمنٹ کی توسیع پر زور

اڈانی گروپ نے آج آسام میں 50,000 کروڑ روپے کی ریکارڈ سرمایہ کاری کا اعلان کیاہے، جو ریاست میں کسی بھی کاروباری گروپ کی طرف سے اب تک کی سب سے بڑی سرمایہ کاری ہے۔گوہاٹی میں ایڈوانٹیج آسام 2.0 سرمایہ کاری اور انفراسٹرکچر سمٹ 2025 سے خطاب کرتے ہوئے، اڈانی گروپ کے چیئرمین گوتم اڈانی نے کہاکہ یہ سرمایہ کاری ہوائی اڈوں، شہر میں گیس کی تقسیم، بجلی کی ترسیل، سیمنٹ اور سڑک کے منصوبوں میں ہوگی، جس سے ریاست میں بنیادی ڈھانچے کی ترقی اور روزگار کو بڑا فروغ ملے گا۔انہوں نے کہا کہ اڈانی گروپ ریاست کی بڑھتی ہوئی توانائی کی طلب کو پورا کرنے کے لیے آسام میں نیوکلیئر پاور پروجیکٹ کی ترقی پر عمل پیرا ہے، جو توانائی کے حل فراہم کرنے میں سنگ میل ثابت ہوگا۔

اڈانی نے اس تبدیلی کا حوالہ دیا جو وزیر اعظم نریندر مودی اور آسام کے وزیر اعلیٰ  ہمنتا بسوا سرما کی قیادت میں ریاست میں ہوئی ہے۔ انہوں نے کہاکہ آسام ترقی کی راہ پر گامزن ہے، یہ ہمارا عزم ہے، یہ ہمارا وژن ہے اور یہ ہمارا وعدہ ہے آپ کے لیے، آسام اور مستقبل کے لیے ہم مل کر تعمیر کریں گے۔اڈانی گروپ کی سرمایہ کاری ہندوستان کی ایکٹ ایسٹ پالیسی کے ایک حصے کے طور پر آسام کے بڑھتے ہوئے کردار کے مطابق ہے، جو جنوب مشرقی ایشیائی ممالک کے ساتھ رابطے اور تجارت کو بڑھا رہی ہے۔ گوتم اڈانی نے تعلیم، سماجی بہبود اور بنیادی ڈھانچے میں وزیر اعلیٰ کے اقدامات کی تعریف کی اور انہیں ترقی کی لائف لائن اور خوشحالی کا پل قرار دیا۔

گوہاٹی میں، ایڈوانٹیج آسام 2.0 سرمایہ کاری سمٹ 2025، جس میں عالمی سرمایہ کاروں، پالیسی سازوں اور کاروباری رہنماؤں نے شرکت کی۔ یہ ایک ایسا پلیٹ فارم ہے جو انفراسٹرکچر، توانائی اور ٹیکنالوجی میں اسٹریٹجک سرمایہ کاری کے ذریعے ریاست کی اقتصادی صلاحیت کو کھولنے پر مرکوز ہے۔سربراہی اجلاس میں، وزیر اعظم نریندر مودی نے گوہاٹی کے مشہور گوپی ناتھ بوردولوئی انٹرنیشنل (ایل جی بی آئی) ہوائی اڈے کی نئی مربوط ٹرمینل بلڈنگ (NITB) کے ‘بانبو آرکڈ’ ڈیزائن کی نقاب کشائی کی۔ آسام کی قدرتی خوبصورتی سے متاثر ہو کر یہ ڈیزائن حیاتیاتی تنوع، طاقت اور پائیداری کی علامت ہے۔فی الحال زیر تعمیر، NITB تقریباً 13 ملین مسافروں کو سالانہ (MPPA) ہینڈل کرے گا، جو اسے ہندوستان کے شمال مشرقی علاقے میں اپنی نوعیت کا پہلا ہوائی اڈہ ٹرمینل بنائے گا۔ 2025 کی آخری سہ ماہی میں اس کے آپریشنل ہونے کی امید ہے۔

بھارت ایکسپریس۔