Adani Energy Solutions’ PAT Up 71% in Q1 FY26: مالی سال 2026 پہلی سہ ماہی میں اڈانی انرجی سولیوشنز کی شاندار کارکردگی، خالص منافع میں سالانہ بنیاد پر 71 فیصد اضافہ

اڈانی انرجی سولیوشنز لمیٹڈ (AESL) نے مالی سال 2026 کی پہلی سہ ماہی (Q1 FY26) میں زبردست کارکردگی کا مظاہرہ کیا ہے۔ کمپنی نے اپنی رپورٹ میں بتایا کہ اس سہ ماہی میں خالص منافع (PAT) میں سالانہ بنیادوں پر 71 فیصد اضافہ ہوا ہے جب کہ کل آمدنی میں 28 فیصد بہتری دیکھی گئی ہے۔ کمپنی نے اس دوران تین نئے ٹرانسمیشن پروجیکٹس مکمل کیے جن میں “Khavda Phase II Part-A”، “Khavda Pooling Station-1” اور “Sangod Transmission” شامل ہیں۔ اس کے علاوہ نئے 24 لاکھ اسمارٹ میٹر بھی نصب کیے گئے، جن کی مجموعی تعداد 55.4 لاکھ ہو گئی ہے۔

اڈانی انرجی کا ہدف مالی سال 2026 کے اختتام تک مجموعی ایک کروڑ اسمارٹ میٹر نصب کرنا ہے۔ پہلی سہ ماہی کے دوران کمپنی کی کل آمدنی 7,026 کروڑ روپے رہی جو گزشتہ سال کی اسی مدت کے مقابلے میں 28 فیصد زیادہ ہے۔ آپریشنل آمدنی 4,600 کروڑ روپے رہی جو سال بہ سال تقریباً مستحکم رہی۔ کمپنی نے کیپیٹل اخراجات میں بھی 1.7 گنا اضافہ کیا اور اسے 2,224 کروڑ روپے تک پہنچایا، جو گزشتہ سال کے 1,313 کروڑ روپے کے مقابلے میں نمایاں اضافہ ہے۔

کل ایبٹڈا (EBITDA) 2,017 کروڑ روپے تک بڑھا جو کہ 14 فیصد اضافہ ہے۔ اس کے علاوہ، نقد منافع 1,043 کروڑ روپے رہا جو گزشتہ سال کی پہلی سہ ماہی کے مقابلے میں 15 فیصد زیادہ ہے۔ کمپنی کی کارکردگی میں ٹرانسمیشن اور ڈسٹری بیوشن سیکٹرز کے ساتھ اسمارٹ میٹرنگ بزنس کی اہم شراکت رہی۔ ٹرانسمیشن سیکٹر میں کمپنی نے 79 سرکٹ کلومیٹر نیا نیٹ ورک شامل کیا اور اب کل نیٹ ورک کا حجم 26,696 سرکٹ کلومیٹر تک پہنچ گیا ہے۔ اس کے علاوہ نیٹ ورک کی دستیابی شرح 99.8 فیصد رہی، جو بہترین آپریٹنگ اور مینٹیننس کے معیار کو ظاہر کرتی ہے۔ کمپنی کا منصوبہ ہے کہ رواں مالی سال میں کئی اور اہم ٹرانسمیشن پروجیکٹس مکمل کرے۔

ڈسٹری بیوشن بزنس میں ممبئی کی مارکیٹ میں یونٹ کی فروخت تقریباً مستحکم رہی جب کہ نقصانات کی شرح کم ہو کر 4.24 فیصد رہ گئی، جو کہ تاریخی طور پر سب سے کم ہے۔ کمپنی ممبئی اور مندرا میں اپنی خدمات فراہم کرتی ہے اور اس کا ریگولیٹڈ اثاثہ بیس 9,433 کروڑ روپے ہے۔ اسمارٹ میٹرنگ کاروبار میں بھی کمپنی نے قابلِ ذکر پیش رفت کی ہے۔ موجودہ منصوبوں میں 22.8 ملین اسمارٹ میٹرز نصب کرنے کا ہدف ہے جن کی ممکنہ آمدنی 27,195 کروڑ روپے سے زائد ہے۔ کمپنی رواں مالی سال 70 لاکھ نئے میٹر نصب کرنے کا منصوبہ رکھتی ہے۔

وہیں ماحولیاتی، سماجی اور حکمرانی (ESG) کے شعبے میں بھی اڈانی انرجی سولیوشنز نے نمایاں ترقی کی ہے۔ کمپنی کا ESG اسکور 25.1 ہو گیا ہے جو کہ عالمی بجلی کی صنعت کے اوسط سے بہتر ہے۔ کمپنی کو FTSE4Good انڈیکس میں بھی شامل کیا گیا ہے، جہاں اس نے گورننس، سماجی اور ماحولیاتی شعبوں میں اعلیٰ نمبر حاصل کیے ہیں۔ کمپنی کے چیف ایگزیکٹو آفیسر کندرپ پٹیل نے کہا کہ ’’ہم نے اس سہ ماہی میں مضبوط ترقی دیکھی ہے، تین نئے ٹرانسمیشن لائنز کے کمیشننگ اور اسمارٹ میٹر کی تیز تنصیب کے ذریعے صنعت میں قیادت برقرار رکھی ہے۔ ہم آئندہ سہ ماہیوں میں بھی اپنے پروجیکٹس کی تکمیل اور نئے مواقع سے فائدہ اٹھانے کی پوزیشن میں ہیں۔‘‘

بھارت ایکسپریس اردو