وزیر اعظم مودی
Lok Sabha Election 2024: لوک سبھا انتخابات 2024 کے چوتھے مرحلے کے لیے پی ایم مودی کی مہم جاری ہے۔ وزیر اعظم نریندر مودی آج (8 مئی 2024) تلنگانہ پہنچے۔ کریم نگر میں جلسہ عام سے خطاب کرتے ہوئے پی ایم مودی نے کانگریس اور راہل گاندھی کو نشانہ بنایا۔
وزیر اعظم نے جلسہ عام میں سوال کیا کہ “کیا وجہ ہے کہ شہزادے نے اڈانی امبانی کو گالی دینا چھوڑ دیا ہے؟ کیا ان کی یہاں ٹیمپو میں مال پہنچ گیا ہے؟” الزام لگاتے ہوئے وزیر اعظم نے یہ بھی کہا، “پچھلے 5 سالوں سے کانگریس کے شہزادے صبح اٹھتے ہی مالا کا ورد کرنا شروع کر دیتے تھے۔ کیا آپ نے کالے دھن سے پیسہ لیا ہے؟ آپ کو یہ بتانا ہوگا۔ ”
‘این ڈی اے کے وجے رتھ کو آگے لے جا رہی ہے عوام’
وزیر اعظم نے دعویٰ کیا کہ عوام کے آشیرواد سے بی جے پی اور این ڈی اے تیزی سے فتح کے رتھ کو آگے بڑھا رہے ہیں۔ تلنگانہ میں بی جے پی کی جیت یقینی ہوچکی ہے۔ یہاں کانگریس کی شکست یقینی ہے۔ بڑی مشکل سے وہ کسی کو بھی الیکشن لڑنے کے لیے تیار کرنے میں کامیاب ہوئے ہیں۔
کانگریس پر پی ایم مودی کے الزامات
پی ایم نے کہا کہ بی جے پی ہمیشہ نیشن فرسٹ کے اصول پر کام کرتی ہے۔ جبکہ کانگریس اور بی آر ایس پہلے خاندان پر کام کرتے ہیں۔ ان کی سیاسی جماعت ” By the Family, for the Family or To the Family ” پر چلتی ہے۔ کانگریس اور بی آر ایس میں کوئی فرق نہیں ہے۔ بدعنوانی دونوں پارٹیوں میں ہے۔
یہ بھی پڑھیں- Air India Express Flight Cancelled: ایئر انڈیا ایکسپریس کی 70 سے زیادہ پروازیں منسوخ، جانئے کمپنی کو کیوں اٹھانا پڑا بڑا قدم؟
پانچویں بڑی معیشت ہے ہندوستان
پی ایم نے کہا کہ آج ہندوستان دنیا کی پانچویں بڑی معیشت بن گیا ہے۔ یہ سب آپ کے ووٹ کی وجہ سے ملک میں ہو رہا ہے۔ آپ کے ایک ووٹ نے جموں و کشمیر سے 370 کو ختم کر دیا۔ آپ کے ایک ووٹ سے ہندوستان دفاعی درآمد کنندہ نہیں بلکہ برآمد کنندہ بن گیا ہے۔ پی ایم مودی نے کہا کہ میں نے گجرات میں بھی کئی سال کام کیا، میں تمام الیکشن جیتتا تھا۔ انہوں نے کہا کہ گجرات میں بھی اتنا بڑا جلسہ منعقد نہیں کیا جتنا میں نے یہاں تلنگانہ میں دیکھا ہے۔ آپ نے اتنا بڑا جلسہ کیا۔ میں آپ کو سلام عظمت پیش کرتا ہوں۔
10 سال میں ہر شعبے میں ترقی
وزیر اعظم نے کہا، پچھلے 10 سالوں میں بی جے پی اور این ڈی اے نے ہر شعبے کو آگے بڑھانے کے لیے کام کیا ہے۔ ہم زراعت کو جدید بنا رہے ہیں۔ ہم قدرتی کاشتکاری اور نینو یوریا کو فروغ دے رہے ہیں۔ آج کسانوں کو کسان سمان ندھی اور فصل بیما یوجنا مل رہی ہے۔ آج بی جے پی حکومت آپ کے ساتھ کھڑی ہے۔
-بھارت ایکسپریس
ایرانی صدرکے ساتھ پیش آئے اس حا دثہ پر عالمی برادری کے رہنماؤں نے تشویش…
ایک سرکاری اہلکار نے نام ظاہر نہ کرنے کی شرط پر بتایا کہ ایران کے…
وزیر اعلیٰ سکھویندر سنگھ سکھو نے بلاس پور کے جگت خانہ میں انتخابی مہم چلائی۔…
چنئی سپر کنگزکے باؤلنگ کنسلٹنٹ ایرک سیمنز نے فرنچائز آئیکن ایم ایس دھونی کی تعریف…
پی ڈی پی کی سربراہ محبوبہ مفتی نے کہا، ''درد ہمارے گھر سے شروع ہوا۔…
محکمہ موسمیات کا کہنا ہے کہ گرمی ہر عمر کے لوگوں میں ہیٹ اسٹروک کا…